Մխիթարյանը ֆանտաստիկ ֆուտբոլիստ է. Էդին Ջեկո

Իտալական «Ռոմա»-ի հարձակվող Էդին Ջեկոն իր թիմակից և Հայաստանի ազգային թիմի ավագ Հենրիխ Մխիթարյանին համարում է կարևոր ֆուտբոլիստ մայրաքաղաքային ակումբում:

«Մխիթարյանն ինձ միշտ է դուր եկել: Մենք երկուսս էլ խաղացել ենք թե Գերմանիայում, թե Անգլիայում: Հիմա նրան գիտեմ, որպես անհատ և նա լավ տղա է: Մխիթարյանը ֆանտաստիկ ֆուտբոլիստ է: Նա ուզում է մնալ «Ռոմա»-ում: Նրա նման ֆուտբոլիստները կարևոր նշանակություն ունեն թիմի համար»,-«Արմենպրես»-ի հաղորդմամբ` Ջեկոյի խոսքերը փոխանցում է  Corriere dello Sport-ը:

Ավելի վաղ տեղեկություններ կային, որ «Ռոմա»-ի սպորտային տնօրեն Ջանլուկա Պետրաչիի բանակցություններն անգլիական ակումբի հետ դրական արդյունք են ունեցել: Մխիթարյանի վարձակալության պայմանագիրը «Ռոմա»-ի հետ նախատեսված էր մինչև հունիսի 30-ը: Կորոնավիրուսի պանդեմիայի պատճառով առաջնությունը դադարեցված է, և հստակ ժամկետները չկան, թե երբ կվերսկսկվի, բայց Պետրաչիի բանակցության արդյունքում Մխիթարյանը թիմում կմնա մինչև մրցաշրջանի ավարտը` անկախ նրանից, երբ այն կավարտվի:

Հայաստանի ֆուտբոլի ազգային թիմի ավագ Հենրիխ Մխիթարյանն այս մրցաշրջանի սկզբում «Արսենալ»-ից վարձավճարով տեղափոխվեց «Ռոմա»: Հայ ֆուտբոլիստն այս ընթացաքում դարձել է 6 գոլի և 3 գոլային փոխանցման հեղինակ:        

Այս թեմայով Մայիս ամիսը մեր պատմության մեջ եղել ու մնում է մեր փառահեղ հաղթանակների վկան Մելիքյանը Սպերցյանին հանձնեց 2025 թվականի «Տարվա լավագույն ֆուտբոլիստ» մրցանակը Ֆանտաստիկ նորություն․ մեր Հովհաննեսի սրտի փոխպատվաստումը բարեհաջող իրականացվել է, վիճակը կայուն է Հայտնի է Հայաստանի տարվա լավագույն ֆուտբոլիստը Հենց կարողացար 50 հոգի հավաքել, նախ տար իրենց Եռաբլուրը ցույց տուր. Ռուբեն Մխիթարյանը՝ Նիկոլ Փաշինյանին