Գուրգեն Խաչատրյանը կալանավորվեց

Երեւանի ընդհանուր իրավասության դատարանը՝ դատավոր Վահե Միսակյանի նախագահությամբ, քիչ առաջ ՊԵԿ նախկին նախագահ Գագիկ Խաչատրյանի որդուն՝ «Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանին կալանավորելու որոշում կայացրեց։ Այս մասին լրագրողների հետ զրույցում ասաց Խաչատրյանների փաստաբան Երեմ Սարգսյանը։

«Այն պրոցեսները, որոնք տեղի ունեցան Գուրգեն Խաչատրյանի հայտարարությունից հետո միանգամից վկայում էին այն մասին, որ կալանավորումն անխուսափելի է, առավել ևս եթե հաշվի առնենք այն զարգացումները դատարանների հետ կապված, ինչ տեղի ունեցան։ Շատ յուրահատուկ զուգադիպություններ ունենք դատարանների ընտրությունների հետ կապված։ Գագիկ Խաչատրյանի հետ կապված բոլոր միջնորդությունները քննում էր մեկ դատավոր Շենգավիթ նստավայրում և հանկարծ այնպես ստացվեց, որ այդ դատավորի արձակուրդի ժամանակ Գագիկ Խաչատրյանի կալանքի երկարացումը տեղափոխվեց այս նստավայր և մակագրվեց այն դատավորին, ով քննում էր Գուրգեն Խաչատրյանի միջնորդությունը։ Երբ Կարեն Խաչատրյանի միջնորդությունը մեկ անգամ գրավ կիրառվեց Շենգավիթի նստավայրում, հաջորդ երկրացման դեպքում նորից այս դատարանում նույն դատավորին մակագրվեց, ով նորից կալանավորեց։ Գուրգեն Խաչատրյանը նույն զուգադիպությմբ նույն դատավորին մակագրվեց և այստեղ դատարանի նախագահի կողմից մակագրումների հետ կապված ուղիղ միտում եմ տեսնում, որ իր նախընտրած դատավորներին է մակագրում։ Այն փաստը, որ կան նույն դատավորին մակագրություններ, սա արդեն խնդիր է»,-ասաց փաստաբանը։

Երեմ Սարգսյանն ասաց, որ հունվարի 14-ից Գուրգեն Խաչատրյանի նկատմամբ որպես խափանման միջոց էր ընտրվել ստորագրությունը՝ չհեռանալու մասին։ Փաստաբանի խոսքով մինչև վերջերս դա բավարար էին համարում, որպեսզի նրա պատշաճ վարքագիծն ապահովեն, բայց Գուրգեն Խաչատրյանի հայտարարությունից հետո որոշեցին, որ նա կխոչընդոտի գործի քննությանը և պետք է կալանավորել․ «Ինձ համար այս փաստը խիստ զարմանալի է, երբ օրինակ նույն մեղադրանքին ավելացվեցին այնպիսի աբսուրդ մեղադրանքներ, որոնք ընդհանրապես քննադատության չեն դիմանում։ Նույն կաշառքի դրվագով, երբ ասում են օժանդակություն է տեղի ունեցել, ասում են, որ Սեդրակ Առուստամյանը փոխառություն է տվել Գուրգեն Խաչատրյանին և տոկոսները չի ստացել, հետևաբար կաշառք է։ Ասում ենք, որ պայմանագրում նշված է, որ տոկոսները վերադարձվում են փոխառության վերադարձման օրն ամբողջությամբ։ Ինձ համար սա անթույլատրելի է, որովհետև պետությունը միջամում է մասնավոր բիզնես գործունեությանը և ցույց է տալիս, որ ցանկացած պահի, եթե որևէ մեկը որևէ մեկի հետ բիզնես գործունեություն է անում և կարող է հանկարծ ազգականների շրջանակում լինի պաշտոնատար անձ, ուրեմն սա կդիտարկվի կաշառք»,-ասաց փաստաբանը։

Վերջինս ընդգծեց, որ դատարանների մասով լուրջ խնդիր կա․ «Այս քանի օրվա մեջ Գագիկ Խաչատրյանի և նրա ընտանիքին պատկանող բնակարաններում, գրասենյակներում մոտ 10 խուզարկություն է կատարվել։ Միջնորդություն էր ներկայացվել կոնկրետ դատավորին, որպեսզի անձ էին փնտրում և փաստաթղթեր, դատարանը որոշել էր, որ կոնկրետ անձի մասով կարող են խուզարկություն կատարել, փաստաթղթերի մասով մերժել էր։ Օրենքի համաձայն վարույթն իրականացնող մարմինը պետք է Վերաքննիչ բողոք ներկայացնեին դատավորի որոշման դեմ, բայց որոշել էին, որ եթե դատավորը չբավարարեց, կտան այն դատավորին՝ ով կբավարարի։ Ընդամենը րոպեներ անց միջնորդությունը տրվել է այլ դատավորի և նա բոլոր միջնորդությունները բավարարել է։ Եթե սա դատավորների անկախության մասին կարող է խոսել, ճնշումների մասին չի խոսում, ապա որևէ այլ ասելիք չկա»,-ասաց Երեմ Սարգսյանը։ 

Փաստաբանն ասաց, որիրավական գործընթաց այստեղ չկա և նպատակներն այլ են։

Այս թեմայով Օրենքով գող» օշականցի Գևորիկը նույնպես կալանավորվեց Հայրիկի հրաշքը կգնա առաջին դասարան․ Գուրգեն Դաբաղյանը՝ դստեր կյանքի նոր փուլի մասին Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով «Հրապարակ»․ Պարզ չէ, թե ինչպես կընդունի ՌԴ-ն` Գուրգեն Արսենյանին փոխարինողին Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում