Ազգային առաջընթաց կուսակցությունը կոչ է անում կառավարությանը և մյուս իրավասու մարմիններին, օր առաջ դադարեցնել այս վարքագիծը

Հայկ Գրիգորյանը ֆեյսբուքյան էջում գրում է .

Հարգելի հայրենակիցներ,

Մայիսյան տոների նախաշեմին Ազգային առաջընթաց կուսակցությունը, իր հարգանքն արտահայտելով Արցախյան գոյամարտում իր հայրենիքի անկախության և ինքնիշխանության համար պայքարած հայորդիների, ցանկանում է անրադառնալ Հայաստանի Հանրապետությունում զինծառայողների և նրանց հավասարեցված անձանց նկատմամբ ցուցաբերվող վերաբերմունքին:

Համոզված ենք, որ յուրաքնչուր պետության անկախության և ինքնիշխանության առաջին երաշխիքը հենց զինված ուժերն են, հետևաբար մենք անթույլատրելի ենք համարում՝

1. Երբ Հայաստանի Հարապետության կառավարությունը միտումնավոր կերպով անգործություն է ցուցաբերում և անտեսում պայմանագրային զինծառայողներին և նրանց հավասարեցված անձանց, օրենքով սահմանված արձակուրդային վճարումների առնվազն 40% հավելավճարների չտրամադրման փաստը:

2. Երբ Հայաստանի Հարապետության կառավարությունը միտումնավոր կերպով անգործություն է ցուցաբերում և անտեսում պայմանագրային զինծառայողներին և նրանց հավասարեցված անձանց չտրամադրաված ամենամյա արձակուրդների դիմաց փոխհատուցումների ամբողջ ծավալով ՝ բոլոր օրերի դիմաց (ինչպես սահմանված է ՀՀ օրենքներով) չտրամադրման փաստը:

3. Երբ Հայաստանի Հարապետության կառավարությունը միտումնավոր կերպով անգործություն է ցուցաբերում և անտեսում այն փաստը, որ ՀՀ ՊՆ ղեկավարության կողմից չեն կատարվում՝ ՀՀ դատարանների՝ օրինական ուժի մեջ մտած դատական ակտերի պահանջները և չեն վճարվում տվյալ դատական ակտերով սահմանված փոխհատուցումները:

4. Երբ Հայաստանի Հարապետության կառավարությունը միտումնավոր կերպով անգործություն է ցուցաբերում և անտեսում պայմանագրային զինծառայողներին և նրանց հավասարեցված անձանց՝ ոչ աշխատանքային օրերին աշխատանքների մեջ ներգրավվելու դիմաց, օրենքով սահմանված, հասանելիք փոխհատուցումների չվճարման փաստը:

5. Երբ Հայաստանի Հարապետության կառավարությունը միտումնավոր կերպով անգործություն է ցուցաբերում և անտեսում պայմանագրային զինծառայողներին և նրանց հավասարեցված անձանց հասանելիք բնակարանների չտրամադրման փաստը:

6. Երբ Հայաստանի Հարապետության կառավարությունը, այսպես կոչված զինվորի հազարական դրամների հավաքագրման միջոցով կուտակած մոտ 1,9 միլիարդ դրամը պետական բյուջեից անհետանալու փաստի առնչությամբ չեն կարողանում տալ որև հիմնավոր պարզաբանում ՀՀ քաղաքացիներին:

Ազգային առաջընթաց կուսակցությունը կոչ է անում Հայաստանի Հանրապետության կառավարությանը և մյուս իրավասու մարմիններին, օր առաջ դադարեցնել այս վարքագիծը, վերանայել պետական քաղաքականությունն ու վերաբերմունքը զինծառայողների նկատմամբ և կատարել զինծառայողների և նրանց հավասարեցված անձանց նկատմամբ ստանձնած բոլոր պարտավորությունները:

Այս թեմայով Անձամբ եք պատասխան տալու. Փաշինյանը զգուշացրել է Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց CSI-ն Հայաստանի իշխանություններին կոչ է անում հարգել Եկեղեցու ինքնավարությունը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին