Քոչարյանի գործով մայիսի 8-ին նիստը կկայանա՞․ կարծիք հայտնեց Երկրորդ նախագահի գրասենյակի ղեկավար Վիկտոր Սողոմոնյանը

Ինչպես հայտնի է, Ռոբերտ Քոչարյանի գործով հերթական դատական նիստը, որի ժամական պետք է քննարկվեր ՀՀ նախկին վարչապետների միջնորդությամբ Երկրորդ նախագահին ազատ արձակելու հարցը, ամիսներ շարունակ ոչ մի կերպ չի կայանում։ Նախ դատավորը զբաղված էր քթի պլաստիկ վիրահատությամբ, հետո երեւի որոշեց, որ շատ է հոգնել եւ գնաց արձակուրդի։ Եվ ահա նիստը նշանակված է մայիսի 8-ին։ Գոնե այս անգամ կկայանա՞, թե հանկարծ կպարզվի, որ այդ օրը դատավորի մորաքրոջ աղջկա ամուսնու հորեղբոր տղայի բաջանաղի երեխու ատամնահատիկն է կամ, որ դատարանի շենքն ականապատել են «Իսլամական պետության» գրոհայինները, վերջապես, որ այդ օրը երկնաքար է ընկնելու ճիշտ դատարանի դահլիճի վրա․ ամեն մի պատրվակ, որով կարող է նիստը նորից հետաձգվել, արդեն հավանական է թվում։

Ի՞նչ են մտածում Երկրորդ նախագահի գրասենյակում այդ մասին, ինչ-որ հրաշքով կարո՞ղ է նիստը վերջապես կայանալ։ Հարցի հետ կապված կարծիք հարցրեցինք գրասենյակի ղեկավար Վիկտոր Սողոմոնյանից, ով, պարզվեց, դեռ մի փոքր լավատեսություն պահել է․

- Այո, երկար ժամանակ դատական նիստի չկայանալու փաստը չի տեղավորվում ոչ օրենքների, ոչ մարդու իրավունքների եւ ոչ էլ՝ սովորական տրամաբանության մեջ։ Դրա համար դժվար է կանխատեսել՝ նիստը կկայանա՞, թե՝ ոչ։ Այնուամենայնիվ հուսով ենք, որ կկայանա, եւ այն հարցը, որը վաղուց պետք է քննարկված լիներ, հիմա վերջապես կքննարկվի, եւ դատարանն արդար որոշում կկայացնի։ Այս մասով հույսն ամեն դեպքում կա, սակայն մեծ է այն, թե՝ փոքր, այլ հարց է։

Քերոբ Սարգսյան

Վիկտոր Սողոմոնյանի հետ մեր էքսկլյուզիվ հարցազրույցն ամբողջությամբ կներկայացնենք «Իրավունքի» առաջիկա տպագիր տարբերակում։ 

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Թրամփն ընդունեց պանթյուրքիզմի գաղափարը. Նադեին-Ռաեւսկի «Ժողովուրդ». Հերթական մահացած զինծառայողի գործով քննվում են մի քանի վարկածներ «Ժողովուրդ». Էկոնոմիկայի նախարարությունում կոռուպցիոն չարաշահումների գործով դատաքննությունը «սառույցին է գրվում»