«Միայն հիացմունքի և երախտագիտության խոսքեր կարելի է ասել»․ԱՀԿ-ն Ուհանին շնորհավորել է կորոնավիրուսի դեմ արդյունավետ պայքարի և հաղթանակի համար

Առողջապահության ոլորտում ԱՀԿ-ի արտակարգ իրավիճակների ծրագրի տեխնիկական ղեկավար Մարիա վան Կերխոուվը շնորհավորել է կորոնավիրուսի օջախ համարվող Ուհան քաղաքին՝ վարակի դեմ արդյունավետ պայքարի և հաղթանակի կապակցությամբ, գրում է CNN-ը։

«Ուրախալի է լսել, որ Ուհանում հիվանդության ծանր դեպքեր չկան։ Այդ քաղաքն ամենաշատն է տուժել ամենասկզբում։ Միայն հիացմունքի և երախտագիտության խոսքեր կարող եմ ասել Ուհանի բնակիչներին իրենց անխոնջ աշխատանքի համար»,-ասել է Վան Կերխոուվը։

Նա նաև գովեստի խոսքեր է ուղղել քաղաքի բնակիչներին, որոնք հետևել են արտակարգ միջոցառումներին և տանն են մնացել։

«Մեր խոնարհումը ձեզ և շնորհակալություն ձեր նվիրվածության, ծառայության, ինչպես նաև աշխարհին ցույց տալու համար, թե ինչ կարողացաք անել»,- ասել է նա:

Նախօրեին Չինաստանում կորոնավիրուսով վարակվել է ընդամենը 1 մարդ, մահվան դեպքեր չեն գրանցվել: 

Վերջին տվյալներով՝ Չինաստանում գրանցվել է կորոնավիրուսի վարակման 82 875 դեպք, ապաքինվել է 77 685 մարդ: Ընդհանուր մահերի թիվը 4633 է:

Այս թեմայով Յունիբանկը և Picsart Academy-ն երեխաների համար անցկացրին «Գիտելիքի օր» Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Ժողովուրդ». Փաշինյանը մտադիր է դուրս գալ փողոց՝ քաղաքացիների տրամադրությունները հասկանալու համար Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով