Վենեսուելայում բանտից զանգվածային փախուստի փորձի հետևանքով զոհերի թիվը հասել է 46-ի

Վենեսուելայի Գուանարե քաղաքի քրեակատարողական հիմնարկներից մեկում զանգվածային փախուստի փորձի հետևանքով զոհերի թիվը հասել է 46-ի, հայտնում է «ՌԻԱ Նովոստի» գործակալությունը։

Ավելի վաղ հայտնի էր դարձել, որ Վենեսուելայի հյուսիսարևմյան Պորտուգեսա նահանգում 17 բանտարկյալ է սպանվել։ Տեղեկությունների համաձայն՝ զոհերի թիվը դեռ կավելանա, քանի որ վիրավորներից շատերը, որոնց թիվը դեռ կոնկրետ չի նշվում, գտնվում են ծայրահեղ ծանր վիճակում։

Հայտնի է, որ հիմնարկության տնօրեն Կարլոս Ռոխոն մեջքին դանակի հարվածից ծանր վիրավորում է ստացել, իսկ անկարգությունների ճնշման գործընթացին մասնակցած ազգային գվարդիայի լեյտենանտը բանտարկյալներից մեկի կողմից նետված պայթուցիկ սարքի բեկորներից է տուժել։

Observatorio venezolano de prisiones իրավապաշտպան կազմակերպությունը հաստատել է զանգվածային փախուստի փորձը՝ պարզաբանելով, որ ուղղիչ հիմնարկը լիքն է եղել․ Լոս Լյանոսի (Սեպելա)՝ 750 տեղ ունեցող քրեակատարողական կենտրոնում մոտ 2,5 հազար բանտարկյալ է պահվում:

Ինչպես ավելի վաղ հայտնել էր Tert.am-ը, Գուանարե քաղաքի քրեակատարողական հիմնարկներից մեկում կալանավորների մի խումբ հատել է բանտի թույլատրելի սահմանն ու բախվել երկրի ազգային գվարդիայի ուժերին:

Իշխանության ներկայացուցիչները փորձել են կապ հաստատել խռովարարների խմբի ղեկավարի հետ, որի մականունն Օլիվո է: Նրանց միջև համաձայնություն է ձեռք բերվել, և կալանավորները վերադարձել են խցեր:

Այս թեմայով «Ժողովուրդ». Հովիկ Աղազարյանի գործի գլխավոր վկան փախուստի մեջ է Ենթակայանում բռնկված հրդեհի հետևանքով շուրջ 5 հազար բաժանորդ հոսանքազրկված է, միլիոնների վնաս է կրել. Ռոմանոս Պետրոսյան Դժբախտ պատահարի հետևանքով մահացած 14 ղազախ զինծառայողի դեպքից հետո պաշտոնանկ է արվել Ղազախստանի ՊՆ նախարարը Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Պայթյունի հետևանքով պայմանագրային զինծառայող է մահացել