Կամանդիրը տղայիս 10 անգամ ասել ա` հերդ չի՞ ուզում գա հետս ծանոթանա. Առաքել Մովսիսյան

Ինչպես ավելի վաղ տեղեկացանք, ԱԺ նախկին պատգամավոր Առաքել Մովսիսյանը հայտարարել էր, որ իր որդին անմեղ է, և այն ինչ իր որդու հանդեպ արել են տականքություն է: Մովսիսյանը նաև նշել էր, որ կգա ժամանակը, և մարդիկ կլսեն ամեն ինչի ձայնը. «Տականքները պիտի պատժվեն, իմ երեխեն անմեղ ա»,- նշել էր Առաքել Մովսիսյանը:

Iravunk.com-ը կապ հաստատեց վերջինիս հետ, հասկանալու համար արդյո՞ք այս ամենում Մովսիսյանը տեսնում է քաղաքական ենթատեքստ, թե ոչ: Մեր հարցին ի պատասխան Առաքել Մովաիսյանը հավելեց հետևյալը.

«Էս պահին տեսնում եմ, որ իմ տղայի գլխին անմիջապես «կամանդիրի» գլխավորությամբ սարքում են: Կամանդիրը տղայիս 10 անգամ ասել ա հերդ չի՞ ուզում գա հետս ծանոթանա: Դուք արդեն հետևություններ արեք,թե ինչու: Դրա համար էլ ընգել ա իմ տղու հետևից: Հենց ինքնասպանության դեպքն եղել ա, կամանդիրը ցուցում ա տվել տղուս վրա, իրա քամակը փրկելու համար, ու անմիջապես տղայիս ձերբակալել են:  Ամբողջ աշխարհը գիտի, որ էդ երեխան ինքնասպան ա եղել: Քանի որ կամանդիրը երկու ամիս շարունակ ընգած ա եղել տղայիս հետևից, ամեն ինչ հենց սկսվել ա էդտեղից: Ասել ա ՝ հերդ չի՞ գա հետս ծանոթանա, տղես էլ ասել ա՝ հենց գա Ղարաբաղ, կգա կծանոթանաք: Դա էլիտար զորամաս ա,արդեն դուք մնացածը մտածեք, թե ինչի ա ուզել հետս ծանոթանա: Իմ տղան ինքնուրույն քաշել,  ընգել ա էդ զորամասը: Քննիչները, դատավորներն ու դատախազները ոչ մի բան դեռ չեն անում: Ինձ ուզում են հունից հանեն, էդ ա լրիվ»:

Iravunk.com-ը կրկին հարց ուղղեց ավելի հստակ այն մասին, թե արդյո՞ք ներկայիս իշխանությունները տեղյակ են վերոնշյալ անարդարություններից: Առաքել Մովսիայանը նշեց հետևյալը.

«Բոլորն էլ տեղյակ են, նաև իշխանությունները: Իմ տղային ձերբակալելուց հետո 8 հատ զոհ ա եղել , մի հատ ընթացք չտվեցին, ոչ դատախազությունը, ոչ էլ քննիչները, դա ի՞նչ էր նշանակում: Իմ տղան ընդհանրապես կապ չունի, էլի եմ կրկնում,ե թե իմ տղու վրա արյուն լիներ, ես նրան կգնդակահարեի, շան օյին կբերեի գլխին: Իսկ ինչ մնում ա քննիչին, քննիչը մի հատ սրբություն չունեցող մեկն ա, Աշոտ անունով: Նորից դիմել ենք վերաքննիչ դատարան, սենց բան չի եղել, որ մի ամսից ավել վերաքննիչը չպատասխանի: Իսկ դատավորները էն կարգի դատավորներ են, որ իրանց էրեխեքին էլ կծախեն: Կայֆավատ ըլնելով գալիս են դատարան, մի հատ էլ իմիջիայլոց մի բառով պատասխանում են»:

Հիշեցենք, որ պարտադիր ժամկետային զինծառայող, շարքային Վահրամ Մկրտիչի Ավագյանի մահվան դեպքի առթիվ քննվող քրեական գործով մեղադրյալ Դավիթ Մովսիսյանի նկատմամբ որպես խափանման միջոց է ընտրվել կալանավորումը:

Դավիթ Մովսիսյանին մեղադրանք է առաջադրվել ՀՀ քրեական օրենսգրքի 359-րդ հոդվածի 3-րդ մասով, այն է՝ զինծառայողների փոխհարաբերությունների կանոնագրքային կանոնները խախտելը նրանց միջեւ ստորադասության (ենթակայության) հարաբերությունների բացակայության դեպքում, որն անզգուշությամբ առաջացրել է ծանր հետեւանքներ: Մովսիսյանն իրեն առաջադրված մեղադրանքը չի ընդունել։

Արցախում հունվարի 30-ին մահացած զինծառայող Վահրամ Ավագյանի գործով 3 ձերբակալված կա, որոնցից մեկն էլ նախկին պատգամավոր Առաքել Մովսիսյանի (Շմայսի) որդին է։

2020թ. հունվարի 30-ին՝ ժամը 13:15-ի սահմաններում, ՊԲ բանակային ուսումնական կենտրոնում, N զորամասի պարտադիր ժամկետային զինծառայող, շարքային Վահրամ Մկրտիչի Ավագյանն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում եւ ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը:

Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն: Զինվորի մահվան դեպքի առթիվ հարուցված քրեական գործի շրջապակներում ձերբակալվել էին Մկրտչյանի համածառայակիցներ Դավիթ Առաքելի Մովսիսյանը, Խաչիկ Արմենի Գասպարյանը, Սպարտակ Արթուրի Ավետիսյանը:

Հայկ Գևորգյան 

Այս թեմայով Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Փաստ». Նույնիսկ ԵԽԽՎ-ում չեն կարողացել մինչև վերջ «աչք փակել» հայաստանյան ընտրակեղծիքների վրա Պայթյուն ուկրաինական Ռադայի մոտ՝ «Ցիրկոն» հրթիռների հարվածց հետո. Ուկրաինական աղբյուր