Ո՞ւմ գրպանում է հայտնվել ապրիլի 7-ին չեղարկված միջոցառումների գումարները

Մինչ համավարակի Հայաստան հասնելը` Մայրության եւ գեղեցկության տոնին՝ Ապրիլի 7-ին, նախատեսված էին մի շարք մշակութային միջոցառումներ, որոնք բնականաբար տեղի չունեցան՝ երկրում սահմանված արտակարգ դրությամբ պայմանավորված: «Իրավունքը» ՀՀ կրթության, գիտության մշակույթի եւ սպորտի նախարարությունից եւ Երեւանի քաղաքապետարանից հետաքրքրքվեց, թե ի՞նչ միջոցառումներ եւ որքա՞ն բյուջէ է նախատեսված եղել եւ չեղարկելուց հետո` այդ գումարներն ինչի՞ վրա են ծախսվել կամ ի՞նչ ճակատագրի են արժանացել:

Հետաքրքիրն այն է, որ ե՛ւ ԿԳՄՍՆ-ից, ե՛ւ Երեւանի քաղաքապետարանից ստացանք գրեթե նույն պատասխանը. «Ի կատարումն Հայաստանի մակարդակով կորոնավիրուսային հիվանդության (COVID-19) բերովիից երկրորդային դեպքով (կլաստերային դեպքեր) պայմանավորված արտակարգ իրավիճակների արձագանքման պլանի 22 կետի (Ապահովել կրոնական, ծիսական արարողությունների, սպորտային, մշակութային միջոցառումների ժամանակավոր դադարեցումը)՝ ՀՀ ԿԳՄՍՆ ենթակայությամբ գործող թատերահամերգային կազմակերպությունները ժամանակավոր դադարեցրել են իրենց գործունեությունը եւ նախարարության աջակցությամբ զանգվածային միջոցառումներ նախատեսված չեն եղել: Ավելին, տարվում են ակտիվ աշխատանքներ 2020 թ. ՀՀ կրթության, գիտության, մշակույթի եւ սպորտի նախարարության կողմից ֆինանսավորվող դրամաշնորհային մշակութային ծրագրերի 1-ին մրցութաշրջանում հաղթած նախագծերն առցանց ձեւաչափի հարմարեցնելու ուղղությամբ»,- ասված է ՀՀ ԿԳՄՍ նախարարությանն ուղղված մեր հարցմանն ի պատասխան նամակում:

«Ի պատասխան Ձեր հարցման՝ տեղեկացնում ենք, որ Երեւանի քաղաքապետարանի մշակույթի եւ տուրիզմի վարչության կողմից 2020թ. մշակութային միջոցառումների իրականացման ծրագրերով Մայրության և գեղեցկության տոնին նվիրված մշակութային միջոցառումներ չեն նախատեսվել եւ, հետեւաբար, չեն իրականացվել»,- ասված է Երեւանի քաղաքապետարանի պատասխան նամակում:

Այնինչ փաստերն այլ բան են ապացուցում, քանի որ գրեթե մեկ ամիս առաջ երկրում արտակարգ դրություն սահմանելուց հետո, երբ «Իրավունքը» Երեւանի քաղաքապետարանի մշակույթի եւ տուրիզմի վարչության պետ ԳՈՇ ՍԱՐԳՍՅԱՆԻՑ հետաքրքրվել էր, թե արտակարգ ռեժիմով պայմանավորված ինչ միջոցառումներ են չեղարկվել, եւ վերջինս հստակ շեշտել էր, որ չեղարկվել է ապրիլի 7-ին Քաղաքապետարանի կողմից նախատեսված մի շարք միջոցառումներ. «Բացօթյա համերգային ծրագրեր էր նախատեսված ապրիլի 7-ին, որոնք արդեն իսկ չեղարկվել են: Բացի այդ, մեր ենթակայության տակ գտնվող մի քանի ՀՈԱԿ-ների ներկայացումներ եւս հետաձգվեցին, բայց առաջիկայում կփորձենք լրացնել այն»:

Այս ամենից արդեն ենթադրելի են տվյալ միջոցառումների համար նախատեսված գումարների ճակատագրերը, քանի որ ընդունված կարգի համաձայն տոների եւ հիշատակությունների միջոցառումների անցկացման համար ե՛ւ ծրագրելը, ե՛ւ ֆինանսավորում հատկացնելը, ե՛ւ դրանք իրականացնելու համար նախատեսված հայտարարաված մրցութները տեղի են ունենում ո՛չ ավել, ո՛չ պակաս տարեսկզբին, որի համար Երեւանի ավագանին հաստատում է տարեկան բյուջեն, իսկ ԿԳՄՍ նախարարությունը ներկայացնում է Կառավարությանն ու հավանություն կա՛մ ստանում է կա՛մ՝ ոչ: Ուստի՝ չէր կարող մարտի 16-ից հետո ձեռքի հետ ոտքի վրա որոշվել, թե մի քանի շաբաթ հետո ի՞նչ միջոցառում մոգոնեն ապրիլի 7-ի համար: Այս դեպքում ստացվում է, որ տվյալ գերատեսչությունում եւ քաղաքային իշխանությունում, Ապրիլի 7-ի անվան տակ, դուրս են գրվել գումարներ եւ հանգրվանել միջոցառման կազմակերպիչների հաշվեհամարներին՝ թոզ փչելով կորոնավիրուսով տարված հանրության աչքերին:

ԼԻԼԻԹ ԵՂԻԱԶԱՐՅԱՆ

Այս թեմայով Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Ինչու է ՔՊ-ն դանդաղում իր որոշումների մեջ.ո՞վ կասի.... Հայաստանը կանգնեց ռեալ տնտեսական շրջափակման և անվտանգային վակուումի առջև.Տնտեսագետը ահազանգում է Կասպից ծովում նոր կղզի է հայտնվել Իսրայելը կարող է հայտնվել մի վիճակում, երբ թուրքական տանկերը կտեղակայվեն Հոլանի բարձունքներում. Իսրայելյան հետախուզության պաշտոնյա