Ինչո՞ւ է գազի տեսուչը ծեծի ենթարկել Սոնա Աղեկյանի մայրիկին. Մանրամասնում է Աղեկյանի մայրը

Այսօր մամուլը գրեց, որ գազի աշխատակիցներից մեկի կողմից երեկ հարձակում է տեղի ունեցել «Այլընտրանքային քաղաքապետարան» նախաձեռնության ղեկավար Սոնա Աղեկյանի մայրիկի՝ մանկավարժ Տաթևիկ Ղազարյանի վրա: Սոնա Աղեկյանը նշում է.  «Այսօր` Նիկոլի գազի կինը ներխուժել է Սոնա Աղեկյանի բնակարան և պահանջելով գազի վարձավճարը հարվածել է իր մորը` թե աղջիկդ արդեն շատ ա իրեն թույլ տալիս և էնպես չլինի, որ գողական բերենք աղջկադ վրա։ Տեղում վերցնելով վարձավճարը Նիկոլի գազի կինը հեռացել է։ Հաղորդում ենք ներկայացրել ՀՀ ոստիկանություն»։

Iravunk.com-ը կապ հաստատեց Սոնա Աղեկյանի մայրիկի հետ, որոշ մանրամասներ պարզելու նպատակով: Տիկին Տաթևիկն իր խոսքը ձևակերպում է հետևյալ կերպ.

«Առավոտյան պառկած էինք, դուռը սկսեցին ջարդել, մոտեցա դռանը տեսա շատ ագրեսիվ կեցվածքով մեր գազի տեսուչին: Հարցրի ինչո՞ւ ես դուռը ջարդում, պատասխանեց ՝լավ եմ անում, և շատ ագրեսիվ սպառնաց, որ հենց հիմա կգնամ գազը կանջատեմ: Երկար ժամանակ ես համոզում, խնդրում էի, որ ընդառաջի, չանջատի, տանը փոքր երեխա կա, ես էլ վատառողջ եմ մի քիչ, ու էս պահին նույնիսկ հաց առնելու գումար չունեմ, բայց բանը հասավ քաշքշոցներին ու հավաքեց բռունցքն ու ինձ հարվածեց: Ես չէի ցանկանա, որ էս աղմուկը լիներ, այսքանից հետո դեռ խղճում եմ այդ տեսուչին, հիվանդ ծեր մայր ունի»:

Սոնա Աղեկյանի մայրը նաև պնդում է, որ իր դուստրն ակնհայտորեն քաղաքական հետապնդումների է ենթարկվում, և այս ամենն արվում է, որպես վատություն Սոնա Աղեկյանի ընտանիքին: Տիկնոջ խոսքով՝ ծեծկռտուքից հետո, վերոնշյալ գազի տեսուչը բակում բարձրախոսով խոսել է ինչ-որ տղամարդու հետ, և նշել որ ինչ-որ գողական պետք է բերեն և այդ ճանապարհով հարցեր լուծեն:

Հայկ Գևորգյան 

Այս թեմայով Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մանկատան երեխային ծեծի ենթարկած դայակի նկատմամբ խափանման միջոց է ընտրվել տնային կալանքը «Փաստ». Գազի թանկացման ծանրագույն հետևանքները ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով