Ինչու է Գեղարքունիքի մարզի գլխին սև ամպեր կուտակվել

Օրեր առաջ ողջ համացանցը խոսում էր Գեղարքունիքի մարզի Լիճք համայնքի միջնակարգ դպրոցի ուսուցիչ Աշոտ Հոխիկյանի մասին, որը նախկինում զբաղեցրել է նույն դպրոցի տնօրենի պաշտոնը, հանդիսանալով ՀՀ վարչապետ Նիկոլ Փաշինյանի աջակիցը, առաջարկում է վարչապետի հրաժարականը պահանջողներին ու նրանց ընտանիքներին գումարով գնել և մորթել։ Այս մասին վերջինս ֆեյսբուքյան գրառում է արել, ապա հեռացրել այն, սակայն ֆեյսբուքյան օգտատերը հասցրել են պահպահնել այն։
Գրառման մեջ մասնավորապես ասվում էր. «Վարչապետի հրաժարական պահանջողներին կարելի է փող տալ իրենց ու իրենց առնել ու մորթել»։

Iravunk.com-ը որոշ հանգամանքներ պարզելու նպատակով դիմեց Գեղարքունիքի մարզպետարանի ԿԳՄՍ-ի վարչության պետ Կարեն Զազյանին, ում խոսքով՝ այս հարցը քննարկվել է Լիճք գյուղի միջնակարգ դպրոցի մանկավարժական խորհրդում,ապա ներկայացվել է համապատասխան գրությամբ մարզպետարան,որից հետո վերոնշյալ մանկավարժը ստացել է կարգապահական տույժ-նկատողություն:

Iravunk.com-ի այն հարցին,թե արդյո՞ք մարզպետարանը նկատողությունից զատ այլ քայլեր կձեռնարկի՞ օրինակ վերջինիս ազատի աշխատանքից, մեր զրուցակիցը նշեց, որ մարզպետարանն իրավասու չէ մանկավարժին հեռացնել աշխատանքից: Կարեն Զազյանը նաև նշեց, որ մանկավարժը դպրոցի տնօրենի հետ միասին հրավիրվել է մարզպետարան, տեղեկացնելով, որ զղջում է այդ գրառումների համար, և պարզապես տեղի ունեցել թյուրիմացություն, մանկավարժը չի կարողացել իր մտքերը ճիշտ շարադրել: Մեր զրուցակիցը նշեց, որ մնացյալն իրավապահների գործն է, և ինքը ոչինչ անել չի կարող: 

Ահա եւ անպատժելիության եւս մեկ օրինակ այս իշխանությունների կողմից: Իսկ վերջիններիս բարձրագոչ հայտարարությունները, թե չպետք է հնչեն բռնության կոչեր, դա հավանաբար իրենց եւ իրենց մերձավորներին ու աջակիցներին չի վերաբերվում: 

Հայկ Գևորգյան 

Այս թեմայով «Իրավունք». Ով է Վանեցյանի կուսակցությունով առաջադրված Լեվոն Վահրադյանը ՔՊ-ական «ցարի բոգը» բախվել է արդարադատության պատին Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով Ուկրաինական անօդաչուները գրոհել են Մոսկվայի մարզի «Մագնիտ» կլինիկան