Ինչ է թաքցնում Սորոսի հիմնադրամը

Դեռեւս 2019թ. մարտի 1-ին ՀՀ փոխվարչապետ, այժմ նաեւ պարետ ՏԻԳՐԱՆ ԱՎԻՆՅԱՆԸ ստորագրել էր որոշում ,Բաց հասարակության ինստիտուտի» օժանդակության սորոսական հիմնադրամի հայկական մասնաճյուղի կողմից 2019-2020 թվականներին իրականացվող ծրագրի մասին: Ըստ այդմ՝ ,Բաց հասարակության ինստիտուտի» օժանդակության հիմնադրամի հայկական մասնաճյուղին տրվում է հարկային արտոնություն, բայց մինչեւ յուրաքանչյուր եռամսյակին հաջորդող ամսվա 25-ը՝ ՀՀ կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու եւ գրանցելու կարգի 25-րդ կետով սահմանված կարգով պետք է ներկայացվեր տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաեւ կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին: Թե այս եռամսյակների ընթացքում ինչպիսի՞ բարեգործական ծրագրեր է իրականացրել Սորոսի հիմնադրամը, ինչպե՞ս են գնահատում կատարված աշխատանքը, եւ արդյոք այն բավարարում էր բարեգործական ծրագիր համարվելու համար անհրաժեշտ չափանիշներին, փորձեցինք պարզել Տիգրան Ավինյանի գրասենյակից՝ մասնավորապես հետաքրքրվելով վերոնշյալ կազմակերպության հաշվետվության մասին: Բայց արի ու տես, որ հարկային արտոնություններ ստացած կազմակերպության հաշվետվությունը ներկայացնելու համար իշխանության ներկայացուցչին բավարար չէր ԶԼՄ-ին պատասխանելու օրենքով սահմանված 5-օրյա ժամկետը, տեղեկություն տրամադրելու համար խնդրեցին 30-օրյա ժամկետ: Սա, իհարկե, բավական տարօրինակ է, հատկապես, որ ըստ տրամաբանության, կազմակերպությունը էլեկտրոնային տարբերակով պարտավոր էր ներկայացնել իր եռամսյակային եւ տարեկան հաշվետվությունը փոխվարչապետի գրասենյակին, իսկ Ավինյանի գրասենյակի համար բարդություն չպետք է լիներ այդ հաշվետվությունն ու կառավարության գնահատականը ներկայացնել մեզ: Հետեւաբար, հարց է ծագում՝ մի՞թե Սորոսի հիմնադրամը թքած ուներ այդ հաշվետվության վրա եւ պատշաճ կարգով չի ներկայացրել, թե՞ դրանցում կան այնպիսի ծրագրեր, որոնք կփորձեն խմբագրելուց հետո միայն ներկայացնել հանրությանը: Այդուհանդերձ, մենք այս հարցում կլինենք հետեւողական եւ կսպասենք, թե ի վերջո, ինչ պատասխան կտա Տիգրան Ավինյանը:

ՀՐԱՆՏ ՍԱՐԱՖՅԱՆ

Այս թեմայով Տիգրան Ավինյանի՝ նախապես հայտարարված մամուլի ասուլիսը չի կայանա Անկախության օրը՝ ախմախ անակնկալներով Բաբուխանյանը բարձրացրեց Արցախի օկուպացված քաղաքների հարցը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ադրբեջանական ագրեսիայի հետևանքով Արցախն ունեցել է 220-ից ավելի զոհ