Որտե՞ղ է կառավարության երեք միլիարդը. Մանե Թանդիլյան

ԱԺ Լույս խմբակցության պատգամավոր Մանե Թանդիլյանն իր էջում գրում է

ՕՐՎԱ ՀԱՐՑԸ՝ 
ՈՐՏԵ՞Ղ Է ԿԱՌԱՎԱՐՈՒԹՅԱՆ 300 ՄԻԼԻԱՐԴԸ 

Իշխանության ներկայացուցիչները ջանք չեն խնայում ներկայացնել, որ կառավարությունը չունի ազատ դրամական միջոցներ և այդ միջոցները ընդամենը 15-20 մլրդ դրամի սահմաններում են, որոնք միասնական հաշվի ընթացիկ մնացորդն է: 

Այո, միասնական հաշվի մնացորդը տարեվերջին եղել է մոտ 40 մլրդ, որը կարելի է համարել անհրաժեշտ գումար ընթացիկ գործունեության համար և մենք չենք ասում միասնական հաշվի գումարները միանգամից զրոյացնել: 

Սակայն, պարզվում է բացի միասնական հաշվից, կառավարությունն ունի այլ հաշիվ (հաշիվներ) կենտրոնական բանկում, որը ԱՎԱՆԴԱՅԻՆ ՀԱՇԻՎ է, և այդ հաշվին տարեվերջի դրությամբ առկա է մոտ 300 մլրդ դրամ ավանդ, որի դիմաց նախորդ տարի ստացել է ավելի քան 10 մլրդ դրամ տոկոսային եկամուտ:
Այս տեղեկությունը առկա է կենտրոնական բանկի հաշվետվություններում, որը կարելի է և պետք է ուսումնասիրել: Առաջիկա օրերին ԿԲ կհրապարակի 2019 թվականի հաշվետվությունը, որտեղ հստակ նշված է կառավարության ժամկետային ավանդի մնացորդի չափը: 

Նկարում, 2018 տարեվերջի ավանդի չափն է՝ 135 մլրդ դրամ: Կառավարությանը և կենտրոնական բանկ հարցում եմ ուղարկել այսօրվա դրությամբ ավանդի մնացորդի վերաբերյալ, որից հետո նորից կներկայացնենք առաջարկ այդ գումարները ծախսելու վերաբերյալ, որի աջակցության մասին պաշտոնապես հայտարարել են իշխող խմբակցության պատգամավորները: 
Չնայած կարծում եմ, որ 300 մլրդ դրամի տեղը չիմացող պաշտոնյաններն առնվազն պետք է դադարեն ստանձնել տնտեսության համար պատասխանատվություն:

Այս թեմայով Կենդանակերպի երեք նշան, որոնց այս աշուն հաջողություն է սպասվում Այս երեք ամիսներին ծնվածների համար 2027 թվականը շրջադարձային կլինի Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Սեպտեմբերի վերջին երեք կենդանակերպի նշաններ մեծ փոփոխություններ կզգան