Ալեն Սիմոնյանին նույնիսկ սեփական թիմում լուրջ չեն ընդունում, ուր մնաց մենք և ժողովուրդը. Անի Սամսոնյան (տեսանյութ)

«Լուսավոր Հայաստան» խմբակցության պատգամավոր Անի Սամսոնյանն իր ելույթը սկսեց քաղաքացի Միքայել Մարգարյանին ոստիկանության բերման ենթարկելու լուրով, որն ընդդեմ կոմունալ վճարումները ստիպողաբար կատարելու՝ ՀՀ կառավարության շենքի մոտ իր բողոքն էր արտահայտում:

«Միքայել Մարգարյանն այն վառ ապացույցն է, որ Հայաստանի կառավարության հասցեական քաղաքականությունը տխուր և ողբալի վիճակում է»,-ասաց Սամսոնյանը և ներկայացրեց, որ քաղաքացին աշխատել է մշակութային միջոցառումներ կազմակերպելու բնագավառում, որն արտակարգ դրության պայմաններում արգելվել է:

Նա նկատեց, որ կառավարությունը 8-րդ միջոցառման շրջանակում այդ քաղաքացուն չի ներառել և նա միակ այդպիսի վիճակում հայտնված անձը չէ: «Կա՛մ կառավարությունում լավ չեն պատկերացնում տնտեսական գործունեությունների ամբողջական շղթան, կա՛մ լավ չեն աշխատում, երկու դեպքում էլ վիճակը շատ վատ է»,-ասաց պատգամավորը:

Անի Սամսոնյանը նշեց, որ բնակչության հիմնական մասը զրկվել է աշխատանքից, և դա շատ պարզ է, որը պետք է հասկանալ: «Մենք՝ ես և դուք, չենք զրկվել, դրա համար ձեր ձայնը տաք տեղից է գալիս»,-ասաց նա:

Ինչ վերաբերում է Բաբկեն Թունյանի հայտարարությանը, որ Հայաստանում ոչ մեկ չի մնա սոված՝ Սամսոնյանը կոչ արեց գործընկերոջը հրապարակել իր հեռախոսահամարը և համոզմունք հայտնեց, որ ընդամենը կես օրվա ընթացքում սննդի կարիք ունեցող այնքան մարդ կզանգահարի, որ ինքը կզղջա այդ ելույթի համար:

Ըստ պատգամավորի՝ հասցեականությունը չի աշխատում և մոտեցումները վերանայելու խնդիր կա: Սամոսնյանը նշեց, որ ազնիվ չէ, երբ մենք մեր շրջապատով ենք չափում՝ մարդիկ սովում են, թե ոչ:

«Հաջորդ անգամ, երբ որևէ քաղաքացու, կամ օրինակ Միքայել Մարգարյանին բերման կենթարկեն ՀՀ ոստիկանություն, հարգելի ՀՀ իշխանության պատգամավորներ, գնացեք նրա հետևից և բացատրեք նրան ձեր հասցեականության քաղաքականությունը: Չմոռանաք ձեզ հետ տանել փոխխոսնակ և մարդկանց 100 հազար դրամ աջակցությունն էժան պոպուլիզմ համարող Ալեն Սիմոնյանին, որ նա էլ բացատրի: Չնայած կարող եք չտանել, քանի որ նրան նույնիսկ սեփական թիմում լորջ չեն ընդունում, ուր մնաց մենք և ժողովուրդը լուրջ ընդունենք»,-ասաց նա:

Այս թեմայով ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Փաստ». Նույնիսկ ԵԽԽՎ-ում չեն կարողացել մինչև վերջ «աչք փակել» հայաստանյան ընտրակեղծիքների վրա Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ինչու Կիեւի քաղաքապետ Կլիչկոյի երեխաները չեն գտնվում առաջնագծում Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան