Եգիպտոսը 3 ամսով երկարաձգել է երկրում սահմանված արտակարգ դրությունը

Եգիպտոսի նախագահ Աբդել Ֆաթահ Էլ Սիսին 3 ամսով երկարաձգել է երկրում սահմանված արտակարգ դրությունը: Այս մասին տեղեկացնում է eg24.news կայքը:

Նշվում է, որ երկրի նախագահն այսպիսի որոշում է ընդունել՝ «ելնելով քաղաքացիների առողջությանն ու անվտանգությանը սպառնացող վտանգներից»: Երկարաձգվել է նաև երկրի հյուսիսում գտնվող Սինայի թերակղզու մի շարք շրջաններում հայտարարված պարետային ժամը:

«Եգիպտոսի ամբողջ տարածքում ապրիլի 28-ին՝ ժամը 1:00-ից, երեք ամսով արտակարգ դրություն է հայտարարվում: Որոշումը կայացվել է կառավարության տեսակետն ուսումնասիրելուց հետո և հաշվի առնելով քաղաքացիների առողջության ու անվտանգության համար ստեղծված վտանգավոր պայմանները»,-ասված է նախագահական հրամանում:

Արտակարգ դրության ռեժիմին հետևել հանձնարարվել է ոչ միայն երկրի ոստիկանությանը, այլ նաև զինված ուժերին:

Վերջին տվյալներով՝ Եգիպտոսում գրանցվել է կորոնավիրուսով վարակման 4782 դեպք, մահվան դեպքերի թիվը 337 է:

Նոր տեսակի կորոնավիրուսով վարակվածների թիվն ամբողջ աշխարհում 3 065 066 է, մահացել է 211 620 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 210 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին:

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով ԵՄ-ն չկարողացավ երկարաձգել Ռուսաստանի դեմ պատժամիջոցները դրանց ժամկետի լրանալուց մեկ օր առաջ