Պետությունը չունի ֆինանսական միջոցներ Արտուշ պապին օգնելու համար. Նոր Նորք վարչական շրջանի ղեկավար

Այս օրերին բոլորիս ուշադրության կենտրոնում հայտնված 82 տարեկան Արտուշ Միրզոյանը քաղաքի մի ծայրից մյուսն էր հասել սովորականի պես՝ սև կոստյումով ու մի փունջ վարդ ձեռքին: Արտուշ պապը իր հարցազրույցներից մեկի ժամանակ նշում է, որ խորհրդային տարիներին ու անկախացումից հետո ոչ մի Ապրիլի 24 բաց չի թողել՝ Ծիծեռնակաբերդի հուշահամալիրում ցեղասպանության զոհերին իր խոնարհումը բերելու: Ինչպես բոլորին է հայտնի, Արտուշ Միրզոյանը Նոր Նորքի իր փոքրիկ բնակարանում ապրում է խիստ աղքատության մեջ: Վերջինիս բնակարանում չկա գազ, ջուր, լույս: Նույնիսկ տեղեկություններ կան, որ վերջինս անգամ իրեն հասանելի ծերունական թոշակից է զրկված:

Iravunk.com-ը այս մասին զրուցեց Նոր Նորք վարչական շրջանի ղեկավար Հովհաննես Մանուկյանի հետ: Վարչական շրջանի ղեկավարն իր խոսքում նշեց, որ Արտուշ պապիկի պես կան շատ այլ տատիկներ և պապիկներ ոչ միայն Երևանում, այլև ողջ Հանրապետությունում: Արտուշ պապիկն ունի երկու սեփական բնակարան, իսկ ահա սոցիալապես շատ այլ անապահով մարդիկ անգամ բնակարան չունեն: Վարչական շրջանի ղեկավարը նշեց, որ ապրիլի 25-ին այցելել է Արտուշ Միրզոյանի բնակարան, և ականատես եղել մեծաթիվ հերթերի: Բազմաթիվ բարեգործներ ցանկանաում էին օգնել պապիկին և սննդամթերքի և այլ անհրաժեշտ պարագաների միջոցով:

Iravunk.com-ի այն հարցին, թե ինչո՞ւ Արտուշ Միրզոյանը լույս, գազ չունի, մեր զրուցակիցը նշեց, որ ինքը նոր ղեկավար է, և չի կարող հստակ պատասխանել, թե ինչու վերջինս չունի կոմունալ հարմարություններ: Արտուշ Միրզոյանի աղջիկը բնակվում է հենց նույն շենքում որտեղ հայրը, իսկ ահա տղան Բելգիայում է, մյուս երկու դուստրերն ամուսնացած են Արարատի մարզում: <<Ես չգիտեմ թե ինչու վերջինս լույս չունի, այդ մասին պետք է նախ իր երեխաները մտածեին: Արտուշ պապը մեզ մոտ գրանցված է որպես անապահով քաղաքացի, և ստացել է քաղաքապետարանի կողմից փաթեթ>>:

Iravunk.com-ը նաև հարց ուղղեց այն մասին, թե արդյո՞ք պետությունը պատրաստ է որևէ օգնություն ցուցաբերել ծեր անապահով մարդուն, թաղապետը նշեց, որ պետությունն Արտուշ պապին օգնել է սննդամթերքի տեսքով, սակայն որպես այդպիսին չունեն նման լիազորություն և ֆինանսական միջոցներ, որ Արտուշ պապիկի տունը վերանորոգենք, կամ նման այլ բան:

Ինչ վերաբերում է կոմունալ հարմարություններին, սեփականատերն ինքն է պարտավորվում իր վճարումներն անել:

Iravunk.com-ը նաև հարց ուղղեց այն մասին, թե Նոր Նորք վարչական շրջանում նմանօրինակ անապահով քանի՞ ծեր քաղաքացի է ապրում: Վարչական շրջանի ղեկավարն ի պատասխան մեր հարցի նշեց, որ Նոր Նորք վարչական  շրջանում բնակվում է 400 և ավելի անապահով քաղաքացի: 

Իսկ թե ինչ վիճակում են վերջիններս կարծում ենք զրույցից պարզ է դառնում:

Հայկ Գևորգյան 

Այս թեմայով Ռուսաստանը սկսել է օգտագործել «Գերան-5» հրթիռային անօդաչուի նոր տեսակ Յունիբանկը և Picsart Academy-ն երեխաների համար անցկացրին «Գիտելիքի օր» Հայաստանը առաջիկա ամիսներին կորոշի՝ ում հետ կառուցել նոր ատոմակայանը. Լիխաչով ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Ժողովուրդ». Փաշինյանը մտադիր է դուրս գալ փողոց՝ քաղաքացիների տրամադրությունները հասկանալու համար