Նիկոլը որոշել է արագաչափախեղդ անել ժողովրդին

Երեւի բոլորդ կհիշեք, թե ինչպես էր Նիկոլը իրեն պատռում ԱԺ-ի ամբիոնից, թե արագաչափերով ու կարմիր գծերով իշխանությունները թալանում են ժողովրդին: Հետո ինչպես էր  սկոտչերով  եւ գաղափարակից ընկերուհիների  ներքնավարտիկներով փակում  այդ անիծյալ արագաչափերը: Սակայն իշխանության անցնելիս  Նիկոլը  այլեւս կոկորդ չէր պատռում արագաչափերի հարցով, կարմիր գծերը մնացին իրենց տեղերում, իսկ գաղափարակից ընկերուհիների վարտիկները վերադարձան իրենց համապատասխան տեղը: Արագաչափերը մնացին իրենց տեղերում եւ շարունակում են տուգանքներ գրանցել փոշման մնացած քաղաքացիների վրա:

Արդեն երեւի թե կարելի էր նաեւ համակերպվել այդ իրավիճակի հետ, երբ մի Նիկոլ ու մի քանի գաղափարակից ընկերուհիներ խաբեցին  մի քանի հարյուր հազար մարդու, սակայն  եկավ հասավ կորոնավիրուսը: Եվ այստեղ պարզվեց, որ երբ այլ` նորմալ երկրներում մարդկանց համար ստեղծվել են հազար ու մի աջակցության ծրագրեր` բացի ուղիղ ֆինանսավորումից մարդկանց ներում են տարբեր տեսակի տուգանքները, բանկային տոկոսները, հարկերը, կոմունալ վճարումները եւ այլն: Սակայն  դա նորմալ երկրներում, որտեղ կա նորմալ իշխանություն: Սակայն Հայաստանում արագաչափերի  եւ կարմիր գծերի տուգանքները շարունակվում են նույն թափով: Ընդ որում, կան դեպքեր, երբ ասենք արագաչափային անբարոյականությունը անցնում է բոլոր կարմիր գծերը: Օրինակ 3 հազար դրամով տուգանում են մի փոքր արագությունը գերազանցած բժշկի, որը որ շտապում էր անհետաձգելի հիվանդին օգնություն ցուցաբերելու համար:  Այս տուգանքների  շարանը  կատարվում է այն ժամանակ, երբ մարդկանց գերակշիռ մասը  հասել է ծանրագույն ֆինանսական վիճակի եւ դա  հենց Նիկոլի ու իր թայֆայի մեղքով: Ասել, որ այս կորոնավիրուսային օրերին  ժողովրդին տուգանքախեղդ անելը  նպատակ ունի  երթեւեկության կանոնակարգելը նույնպես ճիշտ չէ, քանի որ միայն  երեկ օրվա ընթացքում տեղի է ունեցել սարսափելի խախտումներ եւ վթարներ: Ընդ որում շատ անգամ ճանապարհային ոստիկանության աչքի առաջ: Սակայն երեւի թե խախտողների համարները կամ թանկ ավտոմեքենաները հուշում էին ոստիկաններին, որ ճռցնող ու «գոնկա կպնող» թանկ ավտոմեքենանրի հետեւից գնալ անօգուտ բան է: Անհամեմատ ավելի հեշտ է խեղճ ու կրակ ժողովրդից արագաչափերով տուգանքներ պոկելը:

Ժամանակին, երբ Նիկոլը նոր նոր էր բռնազավթել իշխանությունը նա ներեց բոլոր նրանց տուգանքները, ով այդ պահին դրանք չէին վճարել: Ասելով, թե մարդկանց ձեռքը փող չկա, որ վճարեն տուգանքները: Ստացվում է, որ այն ժամանակ, երբ քչից շատից աշխատանք կար եւ նորմալ կյանք, մարդկանք ձեռքը փող չկար, իսկ հիմա կա: Պարզապես Նիկոլի ամբողջ էությունը  շոուն է ու թատրոնը, որով նա խաբել ու խաբում է դյուրահավատ ժողովրդին:

Ա. Հովհաննիսյան

Այս թեմայով Ռուսաստանը ցանկանում է կաթվածահար անել Կիևը ձմռանից առաջ. The Economist Ռուսաստանը մտադիր է կաթվածահար անել Ուկրաինայի ողջ լոգիստիկան. Ուկրաինական լրատվամիջոցներ «Հրապարակ»․ Ռուսաստանը որոշել է վա-բանկ գնալ Վիրավոր իմ Հայաստան, դու դեռ ուղղելու ես քո ողնաշարը «Արտաշատ» ՋՕ-ն նոր շունչ է ստացել. ՓԱՍՏԵՐ