Միլիարդատեր Արկադի Ռոտենբերգի նախկին կինն ամուսնացել է հայ հայտնի քաղաքական գործչի հետ

Միլիարդատեր Արկադի Ռոտենբերգի նախկին կինը՝ Նատալյան, կրկին ամուսնացել է։ Նրա նոր ամուսինը գործարար, հայ հայտնի քաղաքական գործիչ Տիգրան Արզաքանցյանն է, որի հետ հարաբերությունները սկսվել են դեռ 2018թ.-ից:

Ի դեպ  Ազգային ժողովի նախկին պատգամավոր Տիգրան Արզաքանցյանի արդեն կինը՝ Նատալյա Ռոտենբերգը (Наталья Ротенберг) 2019 թվականին երկու ընկերություն է հիմնադրել Հայաստանում։

Առաջինը՝ «ՆՌ Ինվեսթմենթ» ՍՊԸ-ն, գրանցվել է 2019թ․ հուլիսի 31-ին։ Միակ հիմնադիր-բաժնետերը Նատալյա Սերգեյի Ռոտենբերգն է։ Հիշեցնենք, որ վերջինս ռուս մեծահարուստ Արկադի Ռոտենբերգի (Аркадий Ротенберг) երկրորդ կինն էր, ում հետ պաշտոնապես ամուսնալուծվել է 2013-ին։ Արկադի Ռոտենբերգի կարողությունները 2018թ․-ին գնահատվել են 3,1 մլրդ դոլար։

Տիկին Ռոտենբերգի գրանցման հասցեն պետռեգիստրում նշվում է Վազգեն Սարգսյան 26/3 շենքը, որտեղ գրանցված է նաև նշված ընկերությունը։

«ՆՌ Ինվեսթմենթ» ՍՊԸ-ն նոյեմբերին Հավատարմագրման ազգային մարմին հայտ է ներկայացրել գինիների արտահանման համար, որտեղից տեղեկանում ենք, որ Ոսկեհատ խաղողի տեսակից 271 շիշ «Աշտարակ» գինի է արտահանելու Հայաստանից ԵԱՏՄ երկրներ։ Խաղողի խերես թնդեցված գինին 1954 թվականի է։ Գինիների արտադրող նշվում է «Աշտարակյան գինիներ» ՓԲԸ-ն է, որը սնանկ է ճանաչվել։

Երկրորդ ընկերությունը՝ «ՆՌ Նացիոնալ պարկ» ՍՊԸ-ն գրանցվել է տարվա վերջին՝ դեկտեմբերի 5-ին։ Այստեղ էլ Նատալյա Ռոտենբերգը միանձնյա բաժնետեր է։ Այս ընկերությունը գրանցված է Տիգրան Արզաքանցյանի հայրենի Գավառում՝ Դաշտոյան փողոցի 27 շենքում։

Տիգրան Արզաքանցյանի հեռախոսահամարը հասանելի չէր։ «ՆՌ Ինվեսթմենթ» ՍՊԸ-ի ներկայացուցիչ Գագիկ Արզաքանցյանից փորձեցինք ճշտել՝ ինչպես նրա հետ կապ հաստատել։ Վերջինիս տեղեկություններով՝ Տիգրան Արզաքանցյանը և տիկին Ռոտենբերգը երկրում չեն։

Նատալյա Ռոտենբերգին և Տիգրան Արզաքանցյանին ուղղված մեր ինստագրամյան հաղորդագրություններն առայժմ անպատասխան են մնացել։

Տիկին Ռոտենբերգը հանրությանը ներկայանում է որպես հասարակական գործիչ, բարերար և գործարար կին։ Սոցիալական ցանցերում Նատալյա Ռոտենբերգն ակտիվ է։ Ըստ ամենայնի, իր ակտիվությամբ վարակել է նաև Տիգրան Արզաքանցյանին, որը նույնպես անձնական լուսանկարներ և վիդեոներ է տեղադրում ինստագրամյան իր էջում։ 

Տիգրան Արզաքանցյանը տեսանյութեր է հրապարակել նաև նախկին պատգամավոր Սամվել Ալեքսանյանի մասնակցությամբ և նրա ընտանիքին պատկանող «Ալեքս տեքստիլ» կարի արտադրամասից։ 

Այս թեմայով «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Թրամփի` Ռուսաստանի հետ բարեկամության ծրագիրը. The Atlantic Նենց բա­ներ են բաց­վե­լու, որ գնա գա­լիս եմ․ ԲԱՄԲԱՍԱՆՔ ՇՏԱՊ. Հայտնի իրավապաշպանը Իրանի դեսպանատան մոտ փակագծեր է բացում Հայաստանը առաջիկա ամիսներին կորոշի՝ ում հետ կառուցել նոր ատոմակայանը. Լիխաչով