Վրաստանում որոշ արգելքներ այսօրվանից չեն գործի․ թարմ տվյալներ

Ապրիլի 27-ից Վրաստանում մեկնարկում է արտակարգ դրության շրջանակներում սահմանված արգելքների վերացման առաջին փուլը, հայտնում է Ալիք Մեդիան։ Այս փուլում Վրաստանի ամբողջ տարածքում թույլատրվում է թեթև մարդատար մեքենաների և տաքսիների երթևեկությունը։

Թույլատրվում է նաև առցանց առևտուրը, ցանկացած ապրանքի առաքման ծառայությունը և բաց տեսակի ագրարային շուկաների գործունեությունը:

Վրաստանի վարչապետի խոսնակ Իրակլի Չիքովանիի խոսքով՝ նշված արգելքները կգործեն Վրաստանի ողջ տարածքում, բացի այն շրջաններից, որտեղ խիստ կարանտինային ռեժիմ է հայտարարված:

Ապրիլի 27-ին և 28-ին բացառության կարգով վերականգնվում է միջքաղաքային երթևեկությունը: Թբիլիսի, Բաթում, Քութայիսի և Ռուսթավի քաղաքների մուտքերն ու ելքերը, որ փակ են ապրիլի 15-ի որոշմամբ, 2 օրվա ընթացքում բաց կլինեն նրանց համար, ովքեր նշված քաղաքներից վերադառնում են իրենց գրանցման վայրեր: Ապրիլի 29-ից նշված քաղաքներ ելումուտը նորից կարգելվի:

Ի դեպ, երկրի գլխավոր համաճարակաբաններից Պաատա Իմնաձեն հայտարարել է, որ Վրաստանն այս պահին գտնվում է համավարակի պիկում։

Ըստ Stopcov կայքի թարմացրած տվյալների՝ երկրում վարակակիրների թիվը հասել է 496-ի՝ երեկվա համեմատ՝ 10-ով ավելի։ Ընդհանուր առմամբ ապաքինվել է 149 մարդ, մահացել՝ 6-ը։

Այս թեմայով «Փաստ». Նույնիսկ ԵԽԽՎ-ում չեն կարողացել մինչև վերջ «աչք փակել» հայաստանյան ընտրակեղծիքների վրա «Ժողովուրդ». Հովիկ Աղազարյանի գործի գլխավոր վկան փախուստի մեջ է Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ինչու Կիեւի քաղաքապետ Կլիչկոյի երեխաները չեն գտնվում առաջնագծում 6 տարի առաջ այս օրը ընկան հազարավոր ՏՂԱՆԵՐ