Ապրիլի 28-ին կիրականացվի Կիեւ-Երեւան չարտերային թռիչք

Ապրիլի 28-ին կիրականացվի Կիեւ-Երեւան չարտերային թռիչք: Այս մասին տեղեկացնում է Ուկրաինայում ՀՀ դեսպանությունը։

«Երկար բանակցությունների արդյունքում ուկրաինական #SkyUp ընկերության հետ պայմանավորվածություն է ձեռք բերվել ապրիլի 28-ին ժամը 15։00-ին կազմակերպել Կիեւ-Երեւան չարտերային թռիչք, որի իրականացման ֆինանսական կողմն ամբողջությամբ հոգում է ՈւկրաինայիՀայերի միության նախագահ Վիլեն Շատվորյանը։ Շնորհակալ ենք: Վերոնշյալ թռիչքով Հայաստան վերադարձած ուղևորները ենթարկվելու են 14-օրյա պարտադիր կարանտինային ռեժիմի․ այն է՝ վերջիններս «Զվարթնոց» օդանավակայանից տեղափոխվելու են կարանտինային ռեժիմի համար նախատեսված հատուկ վայր: Կեցությունն այդ վայրում ապահովվում է ՀՀ կառավարության կողմից։ Նշենք, որ նշյալ թռիչքով Հայաստան կարող են վերադառնալ ՀՀ քաղաքացիները, ինչպես նաև ՀՀ քաղաքացիների ընտանիքների անդամներ հանդիսացող օտարերկրյա քաղաքացիները։ Վերջինները պետք է իրենց հետ ունենան ընտանեկան կապը հավաստող փաստաթուղթ կամ դրա պատճենը։

Ինքնաթիռում առկա է միայն 150 նստատեղ և տոմսերը տրամադրվելու են ըստ Ուկրաինայում ՀՀ դեսպանությունում հաշվառման ժամանակագրության, ուստի խնդրում ենք Հայաստան վերադառնալ ցանկացողներին շտապ հաշվառվել Ուկրաինայում ՀՀ դեսպանության հյուպատոսական բաժնում (հեռախոս՝ +38 044 486-49-96, +38 073 373-74-47, էլ. փոստ [email protected]) կամ Օդեսայում ՀՀ գլխավոր հյուպատոսությունում (հեռախոս՝ +38 048 703-91-78, +38 068 300-88-77 էլ. փոստ [email protected])։

Ցուցակը կհրապարակվի ավելի ուշ։ Մեկ ուղևորի անվճար տոմսը ներառում է ձեռքի մեկ՝ մինչև 7 կգ (55х40х20սմ), մեկ մինչև 3 կգ (35x20x10սմ) իր և մինչև 23 կգ 1 (մեկ) կտոր ուղեբեռ (գումարային՝ 158սմ)։ Լրացուցիչ ուղեբեռը վճարովի է (վճարվում է Բորիսպիլ օդանավակայանում)։ Թռիչքը կատարվելու է «Բորիսպիլ» օդանավակայանի F տերմինալից, ուղևորներին խնդրում ենք լինել օդանավակայանում թռիչքից առնվազն 2 ժամ առաջ»,- ասվում է հայտարարությունում։

Այս թեմայով Հուսիթները նավթի համաշխարհային գների նոր թռիչք առաջացրեցին Երկու անգամ կրակել է նրա ուղղությամբ և դիմել փախուստի. Բացառիկ մանրամասներ Արգամի կողմից ենթադրյալ սպանության պատվերի գործով Նոր մանրամասներ Արգամ Աբրահամյանի կողմից ենթադրյալ սպանություն պատվիրելու գործով ԶԳՈՒՇԱՑԵՔ. 08.08 հայելային օր է, լի բացահայտումներով Մոսկվան արձանագրում է Երևանի կողմից «շանտաժի անցնելու» փորձեր․ Ալեքսեյ Ֆադեև