Քիչ առաջ հրաշքի հավասար բան կատարվեց. Պարույր Հայրիկյան

ԱԻՄ նախագահ ՊԱՐՈՒՅՐ ՀԱՅՐԻԿՅԱՆԸ գրում է, որ քիչ առաջ հրաշքի հավասար բան է կատարվել. «Արդեն հույսս կորցրել էի, որ կգտնեմ Մեծ Եղեռնի զոհ պապիս (հարազատ պապիս եղբոր)՝ Պոլսի Արդի Վարժարանի տնօրեն Աբրահամ Հայրիկյանի ժառանգներին։ Այսօր տեխնիկական գիտությունների դոկտոր (Գերմանիայում) դստրիկիս՝ Ազատուհու օգնությամբ տեղեկություններ ստացա։ Աբրահամի դուստր Նվարդ Հայրիկյանը (միակ երեխան) մահացել է 1989 թ., որդին՝ Գրիգորը (Գրեգորի Ռեզեան, կարծեմ), ունեցել է երկու զավակ՝ որդի եւ դուստր։ Նրանք իրենց ընտանիքներով ապրում են ԱՄՆ Քընեքթիքութ նահանգում։ Անկախ շարունակությունից անչափ ուրախ եմ, որ 1915 թ. Սիամանթոյի եւ Դանիել Վարուժանի հետ դաժանաբար սպանված Աբրահամ Հայրիկյանի երկրային կյանքը շարունակվել է եւ շարունակվում է։ Փառքդ շատ, Տեր, որ ինձ մեր մեծագոյն ողբերգության 105-րդ տարելիցին այսպիսի ուրախութիյուն պարգեւելու արժանի արեցիր…»:

Հիշեցնենք, որ տարիներ առաջ Պ. Հայրիկյանը կրկին անդրադարձել էր իր պապի ցեղասպանության զոհ դարձած եղբորը՝ մասնավորապես նշելով. «Մեր տանը շատ էին խոսում ապրիլի 24-ի մասին, Աբրահամ Հայրիկյանի մասին, որը մեծ մտավորական է եղել Պոլսում: Որպես գրող, հրապարակախոս նա այնքան էլ հայտնի չէր, բայց որպես գավառի համար դպրոցներ հիմնող, ուսուցիչներ պատրաստող` հայտնի է եղել: Հայրիկյանները Պոլսում հարուստ են եղել: Նրանց ավագ որդին` Աբրահամ Հայրիկյանը, այդ ողջ հարստությունը տրամադրել է Արդի (Հայրիկյան) վարժարանին: Նա եղել է ապրիլի 24-ին երիտթուրքերի կազմած` ձերբակալման ու ոչնչացման ենթակա հայ մտավորականների ցուցակում»:

Այս թեմայով «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Չէ՞, հա, իրո՞ք. Գեւորգ Սուջյանի պատասխանը Ալիեւին Ինչ նոտարական փաստաթուղթ է իրականում ստորագրել Հարությունյանը Բաքվի բանտում