COVID-19-ի ֆոնին հոտառության կորստով պացիենտին կատարել են ուղեղի ՄՌՏ (ֆոտո)

Իրանցի գիտնականները Academic Radiology-ում հրապարակել են իրենց գիտական աշխատանքը, որի նպատակն էր պարզել՝ COVID-19-ի ֆոնին անոսմիան (հոտառության կորուստ) ուղեկցվո՞ւմ է արդյոք հոտառական կոճղեզում (ուղեղի հատված, որին ազդանշաններ են փոխանցում հոտառական նյարդերը) եւ հոտառական տրակտում (նյարդային մանրաթելեր, որոնք խորանում են ուղեղի մեջ) վնասմամբ: Դրա համար նրանք օգտագործել են մագնիսառեզոնանսային տոմոգրաֆիան, որի միջոցով սքանավորել են այս ախտանիշին բախված պացիենտի ուղեղը:

Հատկանշական է, որ գլխուղեղի՝ հոտառության համար պատասխանատու հատվածները վնասված չէին: Գիտնականները, սակայն, չեն բացառում, որ հետագա հետազոտությունները կարող են հայտնաբերել գլխուղեղում որեւիցե պաթոլոգիա:

ՄՌՏ պատկերներում հոտառական կոճղեզը նորմալ ծավալ ուներ, նորմայի մեջ էին նաեւ կոճղեզի եւ հոտառական տրակտի արտահայտվածության ինտենսիվությունը: Նույնպիսի պատկեր է եղել 2002-2003 թվականների հետազոտությունների տվյալներով. այդ ժամանակ եւս գիտնականները «ատիպիկ թոքաբորբի» ֆոնին հոտառության կորստով պացիենտների ուղեղում փոփոխություններ չէին գտել:

Գիտնականների խոսքով՝ COVID-19-ի ֆոնին անոսմիայի դեպքում հոտառական կոճղեզի ամբողջականության մեջ համոզվելու համար ապագայում անհրաժեշտ կլինի այս արդյունքները ստուգել այլ մեթոդներով, օրինակ՝ միաֆոնտոնային էմիսիոն համակարգչային տոմոգրաֆիայով: Դրանից բացի, ավելի օբյեկտիվ պատկեր կապահովի հոտառության կորստով պացիենտների հետազոտությունը COVID-19-ի տարբեր փուլերում:

Հիշեցնենք, որ բժիշկները քանիցս հայտնել են, որ հոտառության եւ համի կորուստը COVID-19-ի բավականին տարածված ախտանիշ է: Ավելին՝ այս ինֆեկցիայի դեպքում այդ ախտանիշն ավելի հաճախ է ի հայտ գալիս, քան գրիպի եւ մրսածության դեպքերում:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Գիշեր ցերեկը կհավասարվեն ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Թուլացման ֆոնին, ավելի ու ավելի կոշտ և ագրեսիվ գործողությունների է անցնում. Լավրով Տարվա մեջ 2-ից ավել նեղ մասնագետի խորհրդատվության դեպքում երեխաների համար համավճար է գործում. ԱՆ ահազանգի հետքերով