Ղազախստանում 3 օր շարունակ հրշեջները մարում են բնության հատուկ պահպանվող տարածքի հրդեհը

Ղազախստանի արևելքում բնության հատուկ պահպանվող տարածքում երեք օր շարունակ հրշեջները մարում են բռնկված հրդեհը։ Ինչպես հաղորդում է «ՌԻԱ Նովոստի»-ն, կրակի տակ է առնվել 2,5 հազար հա տարածք։

Արևելա-Ղազախական մարզի Բեսկարագայսկի թաղամասում «Օրմանայի ընտանիք» կոչվող պետական անտառային արգելոցի տարածքում ապրիլի 23-ին հրդեհվել են սոճիներ: Հրդեհի մարման աշխատանքներին ներգրավված է եղել 73 հրշեջ-փրկարար և 2 ուղղաթիռ։ Ուրբաթ օրը՝ ապրիլի 24-ին, երբ հրդեհը տարածվել է մոտ 2 հազար հա տարածքում՝ ներգրավվել է ավելի քան 300 անձ, տրամադրվել է ևս մեկ ուղղաթիռ։ Երեկոյան հրշեջներին հաջողվել է դադարեցնել կրակի տարածումը։

«Կրակի մարումը կատարվում է շուրջօրյա ռեժիմով։ Արդյունավետությունն ավելի է մեծանում առավոտյան և երեկոյան ժամերին, երբ օդի ջերմաստիճանն ընկնում է և կրակի տարածման արագությունը պակասում է։ Հրդեհի մակերեսը կազմում է մոտ 2500 հա։ Այս պահին ընթանում են առանձին օջախների մարման աշխատանքներ»,- հայտնել է Ղազախստանի ՆԳՆ արտակարգ իրավիճակների կոմիտեի պաշտոնական ներակայացուցիչ Նուրսուլթան Նուրահմետովը։ Այս պահին մարման աշխատանքներում ներգրավված է ավելի քան 400 աշխատակից և մոտ 100 միավոր տեխնիկա։

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ամերիաբանկը Armenian Auto Show-ին կներկայանա MyCar.am հարթակով ու հատուկ առաջարկներով Ucom-ի աջակցությամբ AI տեսախցիկ է տեղադրվել բնության պահպանության համար Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ռուսաստանը պետք է ավարտին հասցնի հատուկ ռազմական գործողությունը, որպեսզի հետո ոչ ոք ծպտուն չհանի»․ Մեդվեդև