«Ցեղասպանության ժամանակ պապիկս ընդամենը 6 տարեկան է եղել եւ բախտի բերմամբ՝ մազապուրծ եղել». Եսայի Ալթունյան (տեսահոլովակ)

Ֆրանսաբնակ Հայ երգիչ ԵՍԱՅԻ ԱԼԹՈՒՆՅԱՆԸ իր իսկ հեղինակած «Չեմ մոռանա» երգի տեսահոլովակը թողարկել է դեռեւս 5 տարի առաջ: «Այդ երգը գրել և ստեղծագործել եմ` ի հիշատակ 1,5 միլիոն հայ տեղահանվածների, այդ թվում` պապիկիս ՝ Նեչանի: Ինձ համար շատ կարեւոր է այս ամենը, որովհետեւ իմ պապիկս էլ 1915 թվականին ջարդերի մեջ է եղել: Ցեղասպանության ժամանակ պապիկս ընդամենը 6 տարեկան է եղել եւ բախտի բերմամբ մազապուրծ եղել ջարդերից: Նա ինձ է փոխանցել հայկական ուժն ու բարությունը»,- «Իրավունքի» հետ զրույցում հպարտորեն ասաց ֆրանսահայ երգիչն ու ակամա մտովի տեղափոխվեց մանկություն. «Երբ փոքր էի ամեն տարի ապրիլի 24-ին դուրս էինք գալիս ֆրանսիայի հրապարակ, հիմա էլ կա այդ ավանդույթը, բայց մենք ոչ թե հայրենասիրական երգեր էինք երգում, այլ թուրքի դեմ վանկարկումներ էինք անում»,- մտաբերեց Եսային, ապա հոգու խորքից ասաց. «Ամեն սփյուռքահայ պետք է Հայաստան գա դժվարին օրերին, որպեսզի Ցեղասպանությունը նորից չկրկնվի, որ աշխարհը չմտածի, թե մենք միայն 3 միլիոն ենք: Եթե ազերիները պատերազմ՝ Ցեղասպանություն են ուզում իրականցնել, ապա դա չի ստացվի, թող ազերիները իմանան՝ ոչ թե 3 այլ 13 միլիոն ենք, սփյուռքը Հայաստանի թիկունքում է: Կարեւոր է, որ ամեն սփյուռքահայ Հայաստանի համար դժվարին օրերին այստեղ լինի»:

Այդուհանդերձ երգիչն իր կոչը հղեց. «Ես հիշում եմ եւ պահանջում՝ ճանաչել Հայոց ցեղասպանությունը, սա է իմ խոսքը բոլորին»:

ԼԻԼԻԹ ԵՂԻԱԶԱՐՅԱՆ

Եսայի Ալթունյանի «Չեմ մոռանա» երգի տեսահոլովակը դիտե՛ք ստորեւ.

Այս թեմայով Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Polymarket հարթակում Թրամփի կուսակիցների հաղթանակին ընդամենը 9% հավանականություն է տրվում