Նիկոլը շարունակում է կենտրոնացնել իր ձեռքում պետական լծակները

Բազմիցս խոսվել է, որ  այն սուպերվարչապետության մոդելը, որն այսօր  սահմանված է գործող սահմանադրությամբ, պետք է փոփոխել եւ վարչապետի ձեռքից պետք է վերցնել որոշակի գերլիազորություններ: Համենայնդեպս, դրա մասին էր ղժղժում Նիկոլը դեռեւս 2018թ.-ից սկսած, երբ ընդդիմադիր պատգամավոր էր: Սակայն  իշխանությունը բռնազավթելուց հետո Նիկոլը այս հարցում նույնպես կտրուկ փոխեց իր վերաբերմունքը եւ մեծ հաճույքով մտավ սուպերվարչապետի դերի մեջ:

Սակայն  պարզվում է, որ անգամ ներկայիս լիազորությունները Նիկոլին չեն բավարարում: Այսօրվա կառավարության նիստում  նա  ընդունեց օրենքի նախագիծ, որով կառավարությունը ստանում է նոր լիազորություններ ֆինանսական միջոցներ տնօրինելու ուղղությամբ: Բան  այն, որ  բյուջետային համակարգի մասին օրենքով կոնկրետ սահմանվում են այն գործողությունները, ծախսերը եւ դրանց չափաբաժինները, որոնց իրավունքը ունի կառավարութնունը: Նիկոլին քիչ թվաց այդ լիազորությունները եւ նա որոշեց իրեն իրավունք վերապահել կատարել բյուջեով չնախատեսված գործողություններ եւ ծախսեր: Այսինքն` իր սուպերվարչապետական լիազորությունները էլ ավելի ընդլայնել:

Բացի այդ Նիկոլը որոշել է, որ եղած ոստիկանական համակարգը լիարժեք չի ապահովում նրա  իշխանության անձեռնմխելությունը: Դրա համար նա ստեղծում է ոստիկանական նոր զորատեսակ` ազգային գվարդիա, որի հիմնական գործառույթը պետք է լինի ապահովել իշխանության հարատեւութունը եւ պայքարել ժողովրդի զանգավածային դրսեւորումների դեմ: Այդ նպատակով Նիկոլը պատրաստվում է կատարել հսկայածավալ ծախսեր: Ազգային գվարդիայի համար միայն ավտոմեքենաների քանակը գերազանցում է 400 ավտոմեքենա, էլ չենք խոսում համազգեստի, զրահաբաճկոնների, սաղավարտների, զենքի, հատուկ միջցների վրա նախատեսվող ծախսերը:

Եվ այդ ամենը կատարվում է հենց այն պահին,  երբ բացի մի խումբ նիկոլականներից, ովքեր  ստանում են աստղաբաշխական աշխատավարձներ եւ պարգեւատրումներ, մնացած ամբողջ ժողովուրդը գտնվում է աղքատության եզրին կամ  արդեն  դրա անդունդում է: Եվ այստեղից է Նիկոլի վախը, որ մարդիկ  այլեւս չեն պատրաստվում դիմանալ իրենց հանդեպ նիկոլականների թալանին ու ծաղրին եւ շատ շուտով համբերության բաժակը կլցվի: Հենց ժողովրդից պաշտպանվելու համար էլ Նիկոլը ստեղծում է ոստիկանական նոր պատժիչ ջոկատներ ու դրա հետ մեկտեղ փարիսիաբար էկրանից խոսում, թե միայն ժողովուրդը կարող է նրան կանգնեցնել եւ ոչ ոք չի ուզում խլել ժովորդից այդ իրավունքը: Այդ դեպքում ում դեմ են ստեղծվում  պատժիչ ոստիկանական ջոկատները:

Ա. Հովհանիսյան

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ «Ժողովուրդ». «Վեոլիա Ջուր»-ը պետք է հետաքրքրեր պետական մարմիններին, բայց չի հետաքրքրում