ԿԱՄԱՑ ԽՈՍԵՔ, ՈՍՏԻԿԱՆՆԵՐԸ ՔՆԱԾ ԵՆ

ՀՀ փոխոստիկանապետ ՀԱՅԿ ՄՀՐՅԱՆԻՆ ուղղեցինք հետեւյալ հարցը. «Ինչո՞ւ ոստիկանաությունը վերահսկողություն չի իրականացնում սուպերմարկետների առջեւ կամ ներսում, որտեղ հիմնականում կուտակումներ են լինում, եւ չի պահպանվում սոցիալական հեռավորությունը»:

Հայկ Մհրյանը մեր հարցին պատասխանեց հետեւյալ կերպ. «Սուպերմարկետների մոտ մեր ուժերը հնարավորության սահմաններում ծառայությունն իրականացնում են եւ ամենը համակարգում, որպեսզի հերթեր չգոյանան, եւ հետո, ինչ վերաբերում է, որ քաղաքացիների շարժը շատացել է, դա չի նշանակում, որ ոստիկանությունն իրավիճակը չի հսկում, որովհետեւ ոստիկանությունն իր հնարավորության սահմաններում ստուգում է տեղաշարժման թերթիկներն ու անձնագրերը, եւ ես արդեն ասել եմ, որ քանի որ տնտեսվարող սուբյեկտների ցանկը մեծացել է, եւ բնականաբար մեր քաղաքացիների շարժն ավելացել է, սակայն մեր ուսումնասիրությունները ցույց են տալիս, որ, օրինակ, կոնկրետ տրանսպորտային միջոցներն այդքան չեն ավելացել: Մենք դա զգում ենք, երբ քաղաքում շրջում ենք»:

Հանրությունը ոչ թե զգում, այլ ամեն օր տեսնում է հոծ բազմություն, մեքենաների կուտակում, փողոցային առեւտուր: Հայկ Մհրյանն իր խոսքում նշում է, որ ոստիկանությունն իր հնարավորության սահմաններում ամեն ինչ անում է, սակայն... Ոչինչ տեսանելի չէ: Այս պատասխանի փոխարեն կարելի էր ասել` կամաց խոսեք, ոստիկանները քնած են:

ՀԱՅԿ ԳԵՎՈՐԳՅԱՆ

Այս թեմայով Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան Շերլոկ Հոլմսից մինչև արհեստական բանականություն․ ինչպե՞ս է փոխվել դետեկտիվի աշխատանքը ՈՒՂԻՂ․ Արցախի թեմայով ինչու է լռում ընդդիմությունը․ Հայկ Բաբուխանյան «Հրապարակ». Հայկ Սարգսյանի ճակատագիրը որոշված է