Վարդենիսցի կինը վարակվել է աղանդավորական հավաքի ժամանա՞կ

Սոցցանցերում տարածված տեղեկությունների համաձայն, բավական տարօրինակ պատմություն է ունեցել վարդենիսցի կնոջ` նոր կորոնավիրուսով վարակման դեպքը: Ըստ շրջանառվող վարկածի, թեպետ երկրում արտակարգ դրություն է, տիկինը գնացել է Էջմիածին՝ մասնակցելու աղանդավորական հավաքի, այնտեղ էլ վարակվել ու հետ է վերադարձել համայնք՝ այցելելով վարսավիրանոց, ապա մատնահարդարի, հետո էլ գնացել է աշխատանքի եւ վարակել պոլիկլինիկայի բուժաշխատողներին: Նույն աղբյուրների պնդմամբ՝ Վարդենիսում հիմա տասը հաստատված դեպք կա, բայց մեկուսացվածները հիսունից ավելի են:

Թե որքանով են այս լուրերը համապատասխանում իրականությանը, «Իրավունքը» հետաքրքրվեց Վարդենիսի քաղաքապետ ԱՐԱՄ ՄԵԼՔՈՆՅԱՆԻՑ: Սակայն, նա չցանկացավ որեւէ հարցազրույց կամ մեկնաբանություն տալ թեմայի վերաբերյալ՝ շեշտելով, որ համավարակի հետ կապված ցանկացած հարց պետական մասշտաբի խնդիր է, եւ իր կողմից ասված յուրաքանչյուր բառ կարող է շատ վատ անդրադառնալ բնակչության վրա. «Բժշկուհու վերաբերյալ իրավասու չեմ որեւէ հարցի պատասխանել, խնդրում եմ՝ թողեք մի քանի օր անցնի, հասկանանք ինչ է կատարվում: Ստույգ էլ չէ՝ ինքն Էջմիածնո՞ւմ է եղել, թե՞ Աբովյանում: Շատ տարբեր խոսակցություններ են պտտվում, ու ստույգ ոչ ոք չի կարող ասել, թե ինչ է եղել, միայն կարող է ասել ինքը, որի հետ ես ընդհանրապես չեմ զրուցել: Հիմա նա բուժման մեջ է կամ մեկուսացված է: Իսկ ով ինչ էլ ասի, իրական չի լինի, մինչեւ պաշտոնական տեղեկատվություն չլինի կամ անձամբ նա չխոսի այդ մասին: Միայն կարող եմ ասել, որ քաղաքում հիմա շատ հանգիստ վիճակ է, փորձում ենք ամեն ինչ անել, որ ե՛ւ քաղաքն ախտահանված լինի, ե՛ւ` բազմաբնակարան շենքերն ու փողոցները: Իսկ այսօր ծառատունկ ենք կազմակերպել»:

ՀՐԱՆՏ ՍԱՐԱՖՅԱՆ

Այս թեմայով Սամարայում մեկտեղվել են Խաչատրյանի և Շոստակովիչի երաժշտությունն ու պատմությունը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Ինչու Կիեւի քաղաքապետ Կլիչկոյի երեխաները չեն գտնվում առաջնագծում ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը