Վարչապետը որևէ մեկի անունը չի տալիս, ինչը նշանակում է վիրավորական վերաբերմունք դրսևորել ողջ լրագրողական հանրության նկատմամբ. Բորիս Նավասարդյան

Հայաստանյան լրատվամիջոցների ոլորտում կային և շարունակում են լինել բազմաթիվ խնդիրներ, այդ թվում՝ նաև քաղաքական և բիզնես հովանավորչության խնդիրը: Այդ երևույթը մեր երկրում վաղուց է, գոյություն ունի անկախության օրվանից, սակայն այն վերացնելու համար իշխանության կողմից ոչինչ չի արվում, Aysor.am-ի թղթակցի հետ զրույցում ասաց Երևանի Մամուլի ակումբի նախագահ Բորիս Նավասարդյանը։

«Այդ ուղղությամբ անհրաժեշտ են շատ հետևողական քայլեր, ռազմավարություն, որոնք վերջին երկու տարիների ընթացքում չեն արվել: Իսկ եթե ինչ-որ փոփոխություններ մտցվել են, դրանք իրավիճակային բնույթ են կրել՝ շատ դեպքերում ոչ միայն չբարելավելով վիճակը, այլև ավելի խորացնելով խնդիրը: Վարչապետը պետք է ավելի շատ հոգատարություն ցուցաբերի այդ կարգի ռազմավարություն մշակելու և իրականացնելու ուղղությամբ, ոչ թե անընդհատ դժգոհություն հայտնի», - ասաց Բորիս Նավասարդյանը:

Նրա խոսքով՝ ցանկալի է, որ «ծախու» լրատվամիջոցների մասին խոսելիս երկրի վարչապետը կոնկրետ հետազոտություններ ներկայացնի:

Այդպիսի հետազոտություններ, սակայն, Նավասարդյանի համոզմամբ, չկան:

«Եթե վարչապետն իրոք հետաքրքրված է խնդրով, ապա ավելի լուրջ կլիներ լուրջ ուսումնասիրություններ կատարել և հետևություններ անել: Իսկ հիմա որևէ մեկի անունը չի տրվում, ինչը նշանակում է վիրավորական վերաբերմունք դրսևորել ողջ լրագրողական հանրության նկատմամբ: Դա այն չէ, ինչ մենք սպասում ենք մեր ղեկավարությունից: Իշխանության ներկայացուցիչը պետք է ավելի լուրջ և պատասխանատու վերաբերվի իր խոսքերին», - նշեց Բորիս Նավասարդյանը:

Այս թեմայով ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Թենեսիում կինը դեռ ողջ է մահապատժի ենթարկելու փորձերից հետո «Ժողովուրդ». Փաշինյանը «բլոտ»-ում պարտվել է, դուրս եկել խաղից Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց