Երևանի պատմության թանգարան կարող եք այցելել առցանց

Երբ հայտարարվեց արտակարգ դրություն, Երևանի պատմության թանգարանն առաջին թանգարաններից էր, որն իր ֆեյսբուքյան հետևորդներին առաջարկեց  շրջագայություն վիրտուալ տիրույթում (սեղմել սլաքը ⇒):  Այդ մասին մեզ հետ զրույցում պատմեցին թանգարանի հանրահռչակման բաժնից։

Վիրտուալ շրջագայությունը, նրանց փոխանցմամբ, նկարահանվել է տարիներ առաջ։ Ֆեյսբուքյան էջում նյութը տեղադրվել է մարտի 16-ին։

«Մեր էջի հետևորդներն անտարբեր չեն մեր նյութերի հանդեպ, և դա կարող եք առցանց տեսնել. նրանք հավանում կամ կիսվում են նյութերով, և մարդիկ տեսնում են, որ նման էջ գոյություն ունի, իրենք նույնպես հավանում են: Ի դեպ, կարող ենք փաստել, որ հատկապես այս օրերին ավելանում է մեր էջի հետևորդների քանակը, որը գնահատում ենք շատ դրական»:

Երևանի պատմության թանգարանից նշում են, որ օնլայն աշխատելը հետաքրքիր և հաճելի է:

«Որոշակի նկատառումներից ելնելով՝ օնլայն աշխատելը հետաքրքիր և հաճելի է: Մեր թանգարանը մշտապես օնլայն հարթակներում ակտիվ է եղել: Ժամանակին վարել ենք «Երևանի պատմության այս օրը» խորագիրը կրող շարքը և ներկայացրել թե ամեն օր ինչ է եղել Երևանում, ներկայացվել են Երևանի պատմության կարևոր էջերը, հին լուսանկարներն ու վավերագրերը»:

Թանգարանից փաստում են, որ այս օրերին երբեմն, անհրաժեշտություն կա առանձին–առանձին, ըստ նախատեսվող անկյունի՝ լուսանկարել տվյալ ցուցանմուշները, առանձնացնել պատմություններ, որը անել օնլայն գրեթե անհնար է:

«Մեր աշխատակիցներից մի քանիսը, առաջնորդվելով մեդիա պլանով, պարբերաբար այցելում են աշխատավայր և առանձնացնում կարևոր հրապարակումների և հին Երևանի լուսանկարների թվային տարբերակները, հաջորդիվ հանրահռչակելու ֆեյսբուքյան և ինստագրամյան էջերի համար:

Վերջերս Երևանի պատմության թանգարանի վիրտուալ տիրույթում մի գեղեցիկ շարք սկսեցինք՝ ամեն օր տեղադրելով մի բանաստեղծություն Երևանի մասին`«Երևանը բանաստեղծություններում» գրքից՝ նվիրված մեր սիրելի մայրաքաղաք Երևանին, ի դեպ այդ գիրքը հրատարակվել է 2019 թվականի դեկտեմբերին մեր աշխատակազմի կողմից:

Նշենք, որ ապրիլի 3-ից սկսած մեր աշխատակից-էքսկուրսավարները տանից փոքրիկ պատմություններ են պատմում, նկարում և տեղադրում ֆեյսբուքի պաշտոնական էջում Երևանի մասին՝ ներգրավելով այցելուներ»:

Վ. ՄՈՒՐԱԴՅԱՆ

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ռուսաստանը կարող է սրել իր հիբրիդային առճակատումը Եվրոպայի հետ