Սիսիանի ոստիկանապետի ԺՊ-ի կողմից խոշտանգվել է նաեւ երիտասարդ մի տղա. NewsMedia.am

NEWSMEDIA.am-ը անդրադարձել էր Սիսիան ոստիկանապետի ԺՊ-ի կողմից դաժան ծեծի ենթարկված, խոշտանգված Սիսիանի բնակիչ Գառնիկ Սիմոնյանի հետ կատարված միջադեպին: 64-ամյա Գառնիկ պապիկը NewsMedia.am-ի հետ զրույցում անձամբ էր պատմել, թե ինչպես է Սիսիանի ոստիկանապետի ժպ-ն եւ  նրա  աշխատակիցները իր իսկ սենյակում,  դաժան ծեծի եւ բռնության ենթարկել՝ ստիպելով բնակարանային գողությունն իր վրա վերցնել։
Ի՞նչ ընթացքի մեջ է սույն գործի ընթացքը, կա՞ն գործով մեղադրյալներ փորձեցինք հետաքրքրվել Գառնիկ Սիմոնյանի եւ նույն ոստիկանության ժպ-ի կողմից ծեծի ենթարկված այլ անձանց շահերի պաշտպան, աղմկահարույց գործերով հայտնի փաստաբան ԼՈՒՍԻՆԵ ԶԵՅՆԱԼՅԱՆԻՑ, ով տեղեկացրեց.
-Հատուկ քննչական ծառայությունում քրեական գործ է հարուցվել, որոնք առնչվում են Սիսիանի ոստիկանապետի պաշտոնակատար` Գարիկ Մուրադյանի հետ կապվող միջադեպերին։ Քրեական գործ է հարուցվել պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելու կամ ծառայողական պարտականությունները չկատարելու, ինչպես նաև խոշտանգման հոդվածներով։
Ոստիկանապետի ԺՊ-ին դեռեւս մեղադրանք չի առաջադրվել, բայց ժպ-ի կողմից խոշտանգման ենթարկված պապիկը արդեն իսկ ճանաչվել է տուժող:

-Ըստ Ձեզ, ինչո՞ւ   ոստիկանապետի ժպ-ն դեռ որեւէ կարգավիճակ չի ստացել:

-Կարծում եմ շուտով նա եւս՝ կստանա հստակ կարգավիճակ: Այս պահին դեռ որոշ գործողություններ պետք է արվեն, որպեսզի հիմնավոր լինի մեղադրանքը, ապա նաեւ կառաջադրվի:
Ի դեպ, նույն ժպ-ի դեմ երրորդ քրեական գործն է հարուցվել, որը պապիկի հետ առհասարակ կապ չունի: Կրկին հարուցվել է պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելու կամ ծառայողական պարտականությունները չկատարելու հոդվածով քր. գործ: Այսինքն ձեռագիը նույնն է, կրկին նմանատիպ միջոցներով՝ մեկ այլ քաղաղացու տարել ծեծել է,  եւ ստիպել, որպեսզի գողությունը վերցնի իր վրա: Այս դեպքում ոստիկանապետի ժպ-ի կողմից խոշտանգվել է 1997թվականի ծնված երիտասարդ:

Մանրամասները սկզբնաղբյուր էլեկտրոնային օրաթերթում

Այս թեմայով Ռուսական ուժերը սկսել են ոչնչացնել նաեւ ուկրաինական բարձր լարման համակարգը (Տեսանյութ) Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան ՄԻԵԴ-ը մերժել է Գագիկ Խաչատրյանի փաստաբանական թիմի կողմից ներկայացված միջանկյալ միջոց կիրառելու պահանջը ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է»