Նարեկ Սարգսյանի կալանավորման ժամկետը երկարաձգվել է եւս երկու ամսով

Երեւանի ընդհանուր իրավասության դատարանը եւս երկու ամսով երկարաձգել է Սերժ Սարգսյանի եղբորորդու՝ Նարեկ Սարգսյանի կալանավորման ժամկետը:

Այս մասին «Հայկական ժամանակ»-ի հարցին ի պատասխան տեղեկացրին ԱԱԾ մամուլի կենտրոնից:

Նշենք, որ սա Սարգսյանի կալանավորման ժամկետի երկրորդ երկարաձգումն է: Առաջին անգամ այն երկարաձգվել էր փետրվարի 14-ին, ինչի լրանալուց հետո, նախաքննական մարմինը դարձյալ միջնորդություն է ներակայացրել դատարան, որն էլ այն բավարարվել է:

Սարգսյանը, հիշեցնենք, դեկտեմբերի 21-ին ոստիկանության ծառայողների ուղեկցությամբ Չեխիայից տեղափոխվել էր Հայաստան, եւ դատարանը բավարարել էր նրա նկատմամբ ընտրված խափանման միջոց կալանավորումը վերահաստատելու վերաբերյալ միջնորդությունը։

Նա մեղադրվում է 2018-ի հունիսին ԱԱԾ-ում հարուցված քրեական գործով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու, ինչպես նաեւ՝ թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու համար:

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Վերջին երկու օրերին Իրանը Հորմուզի նեղուցում հարձակվել է 19 նավի վրա (Տեսանյութ) Էստի համեցեք․ ԸՆԿԵՐ ՓԱՆՋՈՒՆԻ Իրականությունից կտրվածները Ապշել կարելի է, լավ է չի գրել՝ «ՔՊ бьёт — значит любит»․ ԶԱՐՄԱՆՔ