«Ռոստելեկոմը» ի զորու չէ բան փոխելու եւ ապիլի 24-ին կոմեդիոն ֆիլմը կվերահեռարձակի

Սոցիալական ցանցերում շրջանառվող տեղեկությունների համաձայն, ապրիլի 24-ին Մեծ Եղեռնի հիշատակի օրը, ՀՀ-ում «Ռոստելեկոմ» ընկերությունը կվերահեռարձակի ինչ-որ կոմեդիոն ֆիլմ: Որոշ զանգվածի մոտ վերոնշյալ ֆիլմի ցուցադրությունը հենց ապրիլի 24-ին զայրույթի ալիք բարձրացրեց եւ ակամայից հարց է առաջանում, ինչո՞ւ հենց այդ օրը:

Iravunk.com-ը կապ հաստատեց «Ռոստելեկոմ» ընկերության հանրային կապերի բաժնի պատասխանատու Հայկուհի Գրիգորյանի հետ, որոշ հանգամանքներ պարզելու նպատակով: Հայկուհի Գրիգորյանն իր խոսքում նշեց, որ ինչպես «Ռոստելեկոմ» ընկերությունն այնպեա էլ մյուս օպերատորները, ովքեր հեռարձակելու են ֆիլմը, ընդհանրապես չեն կարող միջամտել իրավատիրոջ կողմից տրամադրված ծրագրի բովանդակությանը: Եթե համընկել է այնպես, որ ֆիլմը ցուցադրվում է ապրիլի 24-ին, իրենք ի զորու չենք փոփոխելու: «Պետք է նշեմ, որ ֆիլմը բովանդակությամբ կապ չունի եղեռնի հետ: Ֆիլմը եթեր է հեռարձակվելու «Կինոկոմեդիա» հեռուստաալիքի միջոցով, իսկ այդ ալիքը ցուցադրում է տրամաբանորեն կոմեդիայի ժանրի ֆիլմեր: Ֆիլմը կոչվում է «Самый лучший день»»:

«Ռոստելեկոմ» ընկերությունը որքանո՞վ է ի զորու փոխել այդ ամենը հարցին Հայկուհի Գրիգորյանը նշեց, որ պետք չէ այդ ամենին ուշադրություն դարձնել, կամ վերագրել այդ ամենը օպերատորին: «Մենք ի զորու չենք տվյալ հեռուստաալիքի կողմից տրամադրվող ծրագրի բովանդակությունը փոխել»:

Iravunk.com-ի այն հարցին, թե կոնկրետ ի՞նչ բովանդակություն ունի ֆիլմը և ինչպիսի՞ սյուժե, մեր զրուցակիցը նշեց,որ ինքը ծանոթ չէ սյուժեին,պարզապես տվյալ օգտատերերը, որոնք բարձրացրել են այս հարցը, անհիմն վրդովմունք են ցուցաբերել: «Կարելի էր մի փոքր խորը մտածել և հասկանալ, որ ֆիլմը «Կինոկոմեդիա» հեռուստաալիքն է ցուցադրում, իսկ այդ ալիքը ցուցադրում է տրամաբանորեն կոմեդիայի ժանրի ֆիլմեր: «Ռոստելեկոմը» չի կարող բովանդակություն կամ ֆիլմ փոխել: Մենք ընդամենը վերահեռարձակում ենք»:

Iravunk.com-ը հարց ուղղեց նաև այն մասին, թե ֆիլմն ինչո՞ւ հենց ապրիլի 24-ին եթեր կհեռարձակվի, որքանո?վ է այն բարոյական մեզ համար, Հայկուհի Գրիգորյանը կրկին նշեց, որ այդ ամենն իրենք չեն որոշում:

Iravunk.com-ը նաև հարց ուղղեց այն մասին,թե արդյո՞ք ինչ-որ կապ ունի կոնկրետ «Ռոստելեկոմ» ընկերությունը վերոնշյալ ֆիլմի հետ, մեր զրուցակիցը պատասխանեց, որ ընկերությունը որևէ կապ չունի առհասարակ այդ ֆիլմի հետ:

Հ.Գ Կարծում ենք, որ այնուամենայնիվ «Ռոստելեկոմ» ընկերությունը կարող էր միջամտել, որպեսզի այդ օրը տարբերվեր սովորական օրերից և կոմեդիայի ժանրից որևէ ֆիլմ Հայաստանի Հանրապետությունում չցուցադրվեր: Ծայրահեղ դեպքում, եթե օպերատորը չի կարող միջամտել ծրագրի փոփոխությանը, ապա հաստատ կարող է տվյալ կոմեդիոն ֆիլմերի ալիքն այդ օրը ուղղակի եթեր չհեռարձակել:

Հայկ Գևորգյան 

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը Որտե՞ղ էիք այն ժամանակ, երբ Մանվել Գրիգորյանին պետք էր ոչ թե հետմահու հերոսացնել, այլ կենդանի. Բացառիկ հարցազրույց գեներալի հայտնի փաստաբանի հետ