​​​​​​​Աննա Դանիբեկյանը խոշտանգում է իմ պաշտպանյալին. ահազանգում է փաստաբանը

ՀՀ Փաստաբանների պալատի անդամ, փաստաբան ԼԻԱՆԱ ԲԱԼՅԱՆՆ ահազանգում է, որ 2018թ.-ից Երեւան քաղաքի ընդհանուր իրավասության դատարանի դատավոր Ա. Դանիբեկյանի վարույթում է գտնվում անբուժելի հիվանդությամբ տառապող իր պաշտպանյալի վերաբերյալ քրեական  գործը:   

«Ամբաստանյալը  գտնվում է  ԱՆ «Դատապարտյալների հիվանդանոց» ՔԿ հիմնարկում:  Երկու տարուց ավելի է   դատավոր Աննա դանիբեկյանըդատերը տարբեր պատճառաբանություններով դատական նիստերը անհարկի ձգձգում է:   Գտնում եմ, որ դատավոր` Աննա Դանիբեկյանը ի վիճակի չէ սույն գործը շարունակել, նա խոշտանգում է իմ պաշտպանյալին և նա այս գործով պատշաճ դատավոր չէ: Դիմել եմ ՀՀ Մարդու իրավունքների պաշտպան Ա. Թաթոյանին, որպեսզի անձամբ գնա ԱՆ «Դատապարտյալների հիվանդանոց» ՔԿ հիմնարկ և տեսնի թէ պաշտպանյալս ինչպես է կենդանի փտում բանտում ու ինչ սարսափելի վիճակում է գտնվում: Դիմել եմ նաև Երևան քաղաքի ընդհանուր իրավասության դատարանի  նախագահ Ա. Մկրտչյանին, պահանջելով, որպեսզի քրեական գործը վերցնեն նրա վարույթից և հանձնեն մեկ այլ դատավորի՝   պատշաճ դատաքննություն իրականացնելու համար:

Օրինակ` եղել են  դեպքեր, երբ դատական նիստին սպասելիս վատացել է  ամբաստանյալի ինքնազգացողությունը:  2019թ. սեպտեմբերի 10-ին դիմել էի   Ա. Դանիբեկյանին միջնորդությամբ՝ իմ պաշտպանյալի  նկատմամբ խափանման միջոց կալանավորումը վերացնելու և  գրավ կիրառելու վերաբերյալ:  Դատավոր Ա. Դանիբեկյանը որոշումը հրապարակելու համար մտել էր խորհրդակցական ժամը 12:30-ին, որտեղից դուրս է եկել ժամը 16:30-ին և մերժել էր միջնորդությունը: Այդ օրը    դատարանում երկարատեւ պահելու, սնունդ ու դեղորայք չընդունելու պատճառով, վատացել էր հիվանդ կալանավորի վիճակը: Այդ օրվա նիստի հետ կապված կալանավորը դիմել էր ԲԴԽ՝ իր նկատմամբ կատարվածը համարելով դատավորի կողմից խոշտանգում: Կալանավորը բազմաթիվ նամակներ էր ուղղել պատկան մարմիններին, բուժհիմնարկներին, առողջապահության նախարարությանը, որոնք հրաժարվել են հիվանդ կալանավորի խնդրին լուծում տալ: «Դատապարտյալների հիվանդանոցում» գտնվող կալանավորը հաշվառված է ՁԻԱՀ-ի կանխարգելման հանրապետական Կենտրոն ՊՈԱԿ-ում: Նա ԱՆ «Դատապարտյալների հիվանդանոց» ՔԿ հիմնարկի ինֆեկցիոն բաժանմունք է ընդունվել 2018 թվականի փետրվարի 9-ին՝ «Նուբարաշեն» ՔԿ հիմնարկից, որպես ՄԻԱՎ վարակակիր:

«Հիվանդի մոտ ախտորոշված է ՄԻԱՎ/ՁԻԱՀ 3-րդ կլին. փուլ, խիստ արտահայտված իմունային անբավարարություն: Ստորին ծնոտի քրոնիկ դեստրուկտիվ օստիոնեկրոզ աջից»:   ԱՆ «Դատապարտյալների հիվանդանոց» ՔԿ հիմնարկը չի կարողանում իրականացնել փտող ծնոտի վիրահատությունը, ինչպես նաեւ հնարավոր չէ ապահովել հիվանդի պատշաճ բուժումը, դեղորայքի ընդունումը եւ հատուկ սնունդը:    Այսօր կորոնավիրուսի համաճարակի հետ կապված իմ պաշտպանյալի ՔԿՀ-ում գտնվելը շատ վտանգավոր է և սպառնալիք է նրա կյանքի համար: Ես միջնորդություն եմ ներկայացրել դատավոր Աննա Դանիբեկյանին, իմ պաշտպանյալի խափանման միջոց կալանավորումը այլ խափանման միջոցով փոխարինելու վերաբերյալ: Դիմումներ ենք գրել նաև ՀՀ Գլխավոր դատախազին: Սակայն պատասխան չկա:  Երկարատև սպասումներից հետո կրկին մամուլից տեղեկացել եմ,  որ Ա. Դանիբեկյանը կրկին արձակուրդ է մեկնել: Ինչ պիտի լինի իմ պաշտպանյալի վիճակը, եթե նա մահանա, ով է պատասխան տալու…Գտնում եմ, որ Աննա Դանիբեկյանը ի վիճակի չէ սույն գործը շարունակել, նա խոշտանգում է իմ պաշտպանյալին և նա այս գործով պատշաճ դատավոր չէ», - շեշտել է փաստաբանը:

Այս թեմայով նիկոլի բանաձևն է հայը մեղավոր է ադրբեջանցին՝ երբեք. Աննա Մկրտչյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Ռոբերտ Քոչարյանը Ղրիմը ՌԴ-ի կազմում չի ճանաչում Իշխանությունը մեզ պրոռուսականի պիտակ է կպցնում․ մենք Ղրիմը ՌԴ-ի կազմում չենք ճանաչում․ Աննա Գրիգորյան Աննա Հարությունյանը Միլանում արժանացել է «Լավագույն հավաքածու» մրցանակին