Դարձյալ հիդրօքսիքլորոխինի մասին. Չինացի գիտնականները պնդում են, որ այն կորոնավիրուսի դեմ արդյունավետ չէ

Հիդրօքսիքլորոխին հակամալարիային դեղամիջոցը չի արագացնում կորոնավիրուսով պացիենտների ապաքինումը, պնդում են չինացի գիտնականները: Այս դեղամիջոցը ստացած պացիենտները հայտնել են ավելի քիչ թվով ախտանիշների մասին, սակայն նրանց բուժման տեւողությունը նույնքան էր, որքան դեղամիջոցը չստացած պացիենտների դեպքում:

The Daily Mail-ը հայտնում է, հիդրօքսիքլորոխինի անվտանգությունը եւս մի ամբողջ շարք հարցեր է առաջացնում. Բրազիլիայում համանման կլինիկական փորձարկումները ստիպված էին դադարեցնել, որովհետեւ պացիենտների քառորդ մասի մոտ սրտի ռիթմի հետ կապված խնդիրներ էին առաջացել:

Կարծիք կա, որ հիդրօքսիքլորոխինը վարակվածների համար արդյունքները բարելավում է իմունային համակարգը վերահսկելու ունակության հաշվին (նվազում է ցիտոկինային փոթորկի հավանականությունը՝ մահացու վտանգավոր իմունային խանգարում):

Չինացի հետազոտողները հիդրօքսիքլորոխինը ստուգել են COVID-19-ով 75 պացիենտի վրա: Նրանց տվյալները համեմատել են հսկիչ խմբի տվյալների հետ, որոնք դեղամիջոցը չեն ստացել:

Պացիենտները դեղը ստացել են 2 կամ 3 շաբաթ՝ կախված հիվանդության ծանրությունից: Նրանց վիճակը ստուգել են ախտորոշումը կատարելուց հետո 28 օր անց: Պարզվել է, որ մեկ ամիս լրանալուց հետո 2 խմբում էլ վիրուսի հայտնաբերվելիության ցուցանիշներում վիճակագրական տարբերություն չի եղել. 85,4 տոկոս ընդդեմ 81,3 տոկոսի: Դեղամիջոցի ընդունման ամենատարածված կողմնակի էֆեկտն էր դիաերան (ի հայտ է եկել 10 տոկոս դեպքերում):

Հիշեցնենք, որ վերջերս ԱՀԿ արտակարգ իրավիճակների հարցերով գործադիր տնօրեն Մայք Ռյանը նշել էր, որ ներկայումս COVID-19 կորոնավիրուսային ինֆեկցիայի դեմ հիդրօքսիքլորոխինի արդյունավետության ոչ մի ապացույց չկա: Որոշ հետազոտություններ ցույց են տվել դրա արդյունավետությունը, մյուսները, հակառակը, դեղամիջոցի արդյունավետությունը կասկածի են ենթարկել:

Այս թեմայով «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Իրանական ռազմական աղբյուրը նոր մանրամասներ է հայտնել օրերս խոցված ամերիկյան ռազմանավի մասին