Մաշկի ծակծկոց եւ նյարդաբանական խանգարումներ. Հայտնի է դարձել կորոնավիրուսի նոր անսպասելի ախտանիշների մասին

Նախկինում COVID-19-ի գլխավոր ախտանիշներ էին համարվում հազը, շնչառության դժվարությունը եւ ջերմությունը: Բայց վերջին շրջանում ավելի հաճախ է հայտնի դառնում կորոնավիրուսային ինֆեկցիայով վարակման նոր եւ անսպասելի ախտանիշների մասին:

ProHealth Care Associates-ի ինֆեկցիոն հիվանդությունների բաժնի պետ, բժիշկ Դենիել Գրիֆինը պնդում է, որ պարեսթեզիայի երեւույթը (զգայունության խանգարման տեսակ, որն արտահայտվում է մաշկի այրոցով, ծակծկոցով, սարսռմամբ եւ այլ կերպ) կարող է լինել կորոնավիրուսով վարակման նշան:

Ինչպես հայտնում է New York Post-ը, այս խանգարումը լավ հայտնի է շաքարային դիաբետով եւ որոշ աուտոիմունային հիվանդություններով տառապող մարդկանց: Սակայն նույն ախտանիշներից են գանգատվել նաեւ COVID-19-ով մի շարք պացիենտներ. նրանք նկարագրել են այրոցի, ասեղների ծակծկոցի, մաշկի վրա թեթեւ հոսանքահարման զգացողություններ: Այսպիսի զգացողություններ կարող էին առաջանալ մարմնի տարբեր մասերի վրա եւ տարբեր ինտենսիվություն ունենալ:

Մասնագետի խոսքով՝ այսպիսի ախտանիշները կարող են լինել իմունային համակարգի գործունեության հետեւանք:

«Հակամարմինները, որոնք օրգանիզմն օգտագործում է COVID-19 ինֆեկցիայից պաշտպանվելու համար, կարող է խախտել նյարդային համակարգի աշխատանքը՝ առաջացնելով անսովոր, ներառյալ ոչ այնքան հաճելի զգացողություններ»,- պարզաբանել է բժիշկ Գրիֆինը:

Կորոնավիրուսային ինֆեկցիան կարող է ունենալ նաեւ այլ նյարդաբանական ախտանիշներ, այդ թվում՝ ձեռքերի եւ ոտքերի ծակծկոց կամ ընդարմացում, հայտնում է Harvard Health-ը:

Մասնագետները նշում են նաեւ հետեւյալ նյարդաբանական խախտումները, որոնք կարող են լինել կորոնավիրուսային ինֆեկցիայի ախտանիշներ.

• Հոտառության եւ համը զգալու ունակության կորուստ
• Մկանային թուլություն
• Գլխապտույտ
• Գլխում «մշուշ»
• Ուժասպառություն
• Զառանցանք

Այս թեմայով Նոր մանրամասներ` Երևանում երեկ տեղի ունեցած՝ 3 աշխատակիցների մահվան դեպքից Երբ կսկսվի Իրանի և Միացյալ Նահանգների միջև պատերազմի նոր փուլը «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Ռուսաստանը սկսել է օգտագործել «Գերան-5» հրթիռային անօդաչուի նոր տեսակ ՇՏԱՊ. Հայտնի իրավապաշպանը Իրանի դեսպանատան մոտ փակագծեր է բացում