Գերմանիայում կխստացնեն քաղաքացիության տրամադրման կանոնները

Գերմանիայի դաշնային կառավարությունը մտադիր է խստացնել քաղաքացիության տրամադրման կանոնները նրանց համար, ովքեր ԳԴՀ մտնելիս իրենց անվան, ազգանվան եւ հայրենիքի մասին կեղծ տեղեկատվություն են նշել, հայտնում է DW-ը։

Սա հետեւում է օրենքի նախագծից, որը պատրաստվել է Գերմանիայի ներքին գործերի նախարարության կողմից։ Փաստաթղթից մեջբերումներ է արել Die Welt թերթը։

Գերմանական քաղաքացիություն ստանալու միջնորդություն ներկայացնելու իրավունքի համար անհրաժեշտ է համապատասխանել մի շարք չափանիշների, մասնավորապես, օրինական հիմունքներով առնվազն 8 տարի ապրել Գերմանիայում։ Եթե նոր առավել խիստ կանոններն ընդունվեն, ժամանակը, որը կեղծ տեղեկություն ներկայացնողներն անցկացրել են Գերմանիայում, հաշվի չի առնվի։

«Իրեն հարգող իրավական համակարգը չպետք է բոնուսներ տրամադրի այն բանի համար, որ իրեն անտեսում են։ Հակառակ դեպքում նա օրենքի խախտման խթաններ է ստեղծում, խտրականացնում է օրինապաշտ վարքագիծը եւ այդպիսով խափանում սեփական արդյունավետության հիմքերը»,- ընդգծվում է օրենքի նախագծում։

Բացի այդ, փաստաթուղթը նախատեսում է, որ իրենց մասին տեղեկատվություն տալուց հրաժարվող կամ կեղծ տեղեկատվություն տրամադրող արտասահմանցիներին չպետք է տրվեն կեցության ժամանակավոր, իսկ այնուհետեւ անժամկետ վկայականներ, առանց որոնց չի կարելի հավակնել ԳԴՀ քաղաքացիություն ստանալու։ Անձի եւ քաղաքացիության ճշտումը պարտադիր նախապայման պետք է լինի կեցության վկայական ստանալու համար, ընդգծել են նախարարությունում։

Նախագծում առանձին պայմաններ են նշվում նման իրավախախտների երեխաների համար։ Տվյալ պահին երկրում գործում է նորմ, որի համաձայն երկու օտարերկրացի ծնողներից ԳԴՀ-ում ծնված երեխաները սովորաբար ծնվելիս գերմանական անձնագիր են ստանում, եթե այդ ծնողներից մեկը երկրում առնվազն 8 տարի ապրել է։

ԳԴՀ ՆԳՆ-ում մտադիր են այդպիսի երեխաներին հետին թվով զրկել քաղաքացիությունից, եթե պարզվի, որ նրա ծնողներից թեկուզ մեկը իշխանություններին իր մասին ոչ ճիշտ տվյալներ է ներկայացրել։ Այս դրույթը, սակայն, կառնչվի միայն նրանց, ում հինգ տարին դեռեւս չի լրացել, հստակեցնում է Die Welt-ը։ Բացի այդ, տվյալ պայմանը չի տարածվի անչափահասների վրա, որոնց ծնողներից մեկը ԳԴՀ քաղաքացի է։ Վերջապես, վերջնական որոշում կայացնելիս հաշվի կառնվի այն սկզբունքը, որի համաձայն ոչ մի երեխա չպետք է դառնա քաղաքացիություն չունեցող անձ։

Օրենքի նախագծում առանձին հիշատակվում են այն անձինք, որոնք ԳԴՀ-ում ապաստան կամ ժամանակավոր պաշտպանություն են ստանում՝ Փախստականների մասին ժնեւյան կոնվենցիայի համաձայն։ Փորձագետների տվյալներով՝ այդ դրույթը կառնչվի Գերմանիայում ապաստանի հայտ ներկայացրածների մոտ քառորդ մասին։

Die Welt-ի տվյալներով՝ ներկայում նախագիծը տարբեր նախարարությունների միջեւ գերատեսչական համաձայնության գործընթաց է անցնում։

ԳԴՀ քաղաքացիության տրամադրման մասին միջնորդության իրավունք ստանալու համար, ըստ գործող օրենքի, անհրաժեշտ է Գերմանիայում օրինական 8 տարի ապրել, իմանալ գերմաներեն, չունենալ դատվածություն եւ իքնուրույն աշխատել՝ ապահովելով ապրուստը, ինչպես նաեւ նոր հայրենիքի քաղաքական համակարգի, պատմության եւ մշակույթի իմացության հատուկ թեսթ անցնել։

Այս թեմայով Ռուսաստանում Հայաստանի դեսպանությունը ժամանակավորապես կդադարեցնի անձնագրերի տրամադրման ծառայությունը Գերմանիայում իշխող CDU/CSU դաշինքի վարկանիշը նվազել է մինչև ռեկորդային ցածր՝ 19% Գերմանիայում ակտիվորեն քննարկվում է Մերցի հրաժարականի հարցը. Կանցլերը փորձում է դիմադրել ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ