Տիեզերքը մի մեծ հայելի է, որին տալով մենք մեր մտքերը՝ վաղ թե ուշ ստանում ենք մտքերին համապատասխան իրականություն. Ինպես հաղթահարել մեկուսացման շրջանը. Հայտնատես Հակոբ Բաբուջյանի խորհուրդները

Տարածված կարծիք կա, որ Վանգան դեռ տասնամյակներ առաջ էր գուշակել կորոնավիրուսի համաճարակը: Համենայնդեպս, նման պնդմամբ են հանդես գալիս Վանգայի գուշակությունների մի շարք մեկնաբաններ: Ըստ այդմ, բուլղարուհի հայտնի պայծառատեսը կանխագուշակել է, որ 2020 թվականին աշխարհի վրա տարածվելու է Չինաստանում ծնունդ առած մի վիրուս, որ խլելու է բազմաթիվ կյանքեր: Նույն մեկնաբանները պնդում են նաեւ, թե պայծառատեսը լրջորեն մտահոգված էր այդ համաճարակի խնդրով, քանի որ դրան կհետեւի համաշխարհային տնտեսական ճգնաժամը եւ այլ ցնցումներ: Որքանո՞վ է ստեղծված իրավիճակը Վանգայի կանխատեսումների արտացոլանքը, ի՞նչ է սպասվում հայ ազգին, ի՞նչպես հաղթահարել մեկուսացման շրջանը եւ մնալ լավատես հարցերի պատասխանը «Իրավունքը» փորձեց ստանալ հայտնատես ՀԱԿՈԲ ԲԱԲՈՒՋՅԱՆԻՑ, ով անդրադառնալով Վանգայի կանխատեսումներին նախ նկատեց.

-Այստեղ ամեն ինչ շատ ավելի պարզ է. տիեզերքը մի մեծ հայելի է, որին տալով մենք մեր մտքերը՝ վաղ թե ուշ ստանում ենք մտքերին համապատասխան իրականություն։ Այս ամեն ինչը հաշվի առնելով՝ կա 2 տարբերակ: Առաջինը՝  այն է, որ բարձր, գիտակից (արթուն) վիճակից,  երբ տեսնում ես՝ ուր են ուղղորդված մարդկանց մտքերն ու գործողությունները, կանխատեսել ելքը, 《գուշակել》 ու նախազուշացնել մոտալուտ հաջողությունը կամ անհաջողությունը։ Եվ երկրորդ,  ունենալով որոշակի հայտնի կարգավիճակ՝ պայծառատես, գուշակ (ում ինչպես հարմար է ), վերցնելով մարդկանց ուշադրությունն ու մտքերը, ուղղորդելով համապատասխան ուղղությամբ՝ պատվերի տեսքով ստանալ համապատասխան իրականություն՝ հայելու տեխնիկան օգտագործելով։ Տվյալ դեպքում, իմ կարծիքով, աշխատել է 2֊րդ տարբերակը, քանի որ մարդու ներքին վիճակից է կախված, թե որ ուղղությամբ կուղղորդի իր և այն մարդկանց մտքերը, ովքեր վստահում են իրեն։ Հասկանում եմ՝ պատասխանը ոչ ստանդարտ էր, միգուցե՝ նույնիսկ զարմանալի։ Ես իրավունք չունեմ որևէ մեկին վիրավորելու, բայց իմ կարծիքով՝ Վանգան ոչ այնքան երջանիկ վիճակից է արել գուշակությունները։ Մարդկությունը հիմա անցումային փուլում է ու երկրագունդը վերակառուցվում է... Ի՞նչ է դա նշանակում. Մարդկության մի մեծ մասը կանգնած է գլոբալ վերահսկողության մեջ` հայտնվելու աղետի առաջ, իսկ մյուս մասն ունի մեծ հնարավորություններ՝ ամբողջությամբ վերաիմաստավորելու իր կյանքը, տոտալ երջանկացնելու ինքն իրեն՝ վերափոխելով մտքերը, սնունդն ու ֆիզիկական պատրաստվածությունը։ Ով որը կընտրի, դա էլ կստանա։ Գլխավորը՝ թե ո՛րտեղ է ուշադրությունը։ Այս պահին էլ կան մարդիկ, որ շատ ավելի լավ ու երջանիկ են ապրում, քան մինչ կորոնավիրուսը, քանի որ վերաիմաստավորել են սա ոչ թե որպես աղետ, այլ նոր հնարավորությունների սկիզբ։ Կրկին հայելին. ինչպես կմտածես աշխաիհի մասին, դրան համապատասխան էլ իրականություն կստանաս։

- Պարոն Բաբուջյան, 2020 թվականը բնորոշում են, որպես ծայրահեղությունների տարի է, ընդ որում ոչ միայն Հայաստանի, այլև բոլոր հանրապետությունների համար: Հաշվի առնելով, որ ՀՀ պատերազմող երկիր է, ռազմական գործողությունների վերսկսման վտանգ տեսնո՞ւմ եք:

-Հայաստանի մասով զգում եմ, որ առանց պատերազմի վաղ թե ուշ վերականգնվելու է իր տարածքային ամբողջականությունը, քանի որ, մեծ հաշվով, աշխարհը գնում է բալանսի, իսկ դա կոպիտ խախտված բալանս է եղել մեզ համար՝ տարբեր իմաստներով։

- Եվ վերջում, Ձեր խորհուրդը մեր ազգաբնակչությանը, ի՞նչպես հաղթահարել մեկուսացմանը շրջանը:

- Մարդկանց խորհորդ կտամ ցանկության ու մտադրության դեպքում զարթնել՝ վերաիմաստավորել կյանքն ու միանալ նոր ժամանակների դրական կողմերին։ Տիեզերքը մեզ տվել է ամեն հնարավորություն ու դա չօգտագործելու համար գտնել տարբեր էժան պատճառաբանություններ, իմ կարծիքով՝ յուրաքանչյուրի համար անդարձ բացթողում է։

Զրույցը՝ ԻԼՈՆԱ ԱԶԱՐՅԱՆԻ

Այս թեմայով Այսօր իր տարեդարձն է նշում մարդ, ով ներդաշնակ կերպով համադրում է առաջնորդության տեսլականը, սկզբունքային մոտեցումը և մարդկային բարձր արժեքները Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում