Կորոնավիրուսի համավարակը կարող է աշխարհում սուրճի դեֆիցիտի հանգեցնել․ Bloomberg

Հարավային Ամերիկայի մի շարք երկրներում կորոնավիրուսի տարածումը կարող է տնտեսական խնդիրների՝ մասնավորապես աշխարհում սուրճի դեֆիցիտի հանգեցնել, հայտնում է Bloomberg գործակալությունը։

Փորձագետների կարծիքով, որոնց հղում է անում գործակալությունը, «մտավախություններ կան, որ սուրճի հատիկների հավաքման համար բավականաչափ աշխատողներ չեն լինի»։

Եվ չնայած որ համաշխարհային շուկա սուրճ մատակարարող Լատինական Ամերիկայի երկրներում կորոնավիրուսով վարակման դեպքերը դեռևս զգալիորեն քիչ են Եվրոպայի և ԱՄՆ-ի համեմատ՝ արդեն այժմ էլ հիվանդությունը սպառնում է սուրճի պլանտացիաներն առանց աշխատողների թողնել։

Գործակալությունը հիշեցնում է, որ սուրճ հավաքելու աշխատանքը Լատինական Ամերիկայում քիչ վարձատրվող աշխատանքների շարքին է դասվում, իսկ աշխատողները միասին են ապրում, ինչն էլ անգամ միայն մեկ հոգու վարակվելու դեպքում մեծացնում է կորոնավիրուսի արագ տարածման հավանականությունը։

Այս ոլորտի վրա բացասական ազդեցություն ունեցող գործոններից են որոշ բանկերի աշխատանքի դադարեցումը, սանիտարական նորմերի սահմանումը, որի պատճառով կրճատվում է աշխատանքային օրը, ինչպես նաև վատ գործող տրանսպորտային համակարգը։

Առավել բարդ իրավիճակ է ստեղծվել Բրազիլիայում, Կոլումբիայում, Պերուում, որոնք «Արաբիկա տեսակի սուրճի հատիկների համաշխարհային մատակարարման մոտ երկու երրորդ մասն են ապահովում», նշում է գործակալությունը և փաստում, որ այս տեղեկությունը հաստատում են նաև վերոնշյալ երկրներում գործող ընկերությունների, ինչպես նաև նրանց հետ համագործակցող ամերիկյան ընկերությունների ներկայացուցիչները։

Միևնույն ժամանակ գործակալությունը նշում է, որ սահմանված կարանտինային ռեժիմի հետևանքով ոչ միայն չի նվազել սուրճի պահանջարկը, այլև ավելացել է։ Մարդիկ սրճարաններում և ռեստորաններում սուրճ պատվիրելու փոխարեն խանութներից են այն գնում և պատրաստում իրենց համար։

Այս թեմայով Bloomberg. Չնայած պատժամիջոցներին, Ռուսաստանը գրանցել է նավթի արտահանումից ռեկորդային եկամուտ Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով