Հայաստանում ՌԴ դեսպանը հայտարարություն է արել

Հայաստանում Ռուսաստանի քաղաքացիների դեպքում ազգությունը շահարկելն անթույլատրելի է: Այդ մասին Հայաստանում ՌԴ դեսպան Սերգեյ Կոպիրկինը հայտարարել է դեսպանատան սոցցանցի էջում՝ տեսաուղերձի ժամանակ։

«Մենք բախվել ենք մեծ աղետի հետ: Կորոնավիրուսի պանդեմիան փոխում է երկրների, մարդկանց կյանքերը: Առանձնահատուկ խնդիրների առաջ են կանգնած մարդիկ, որոնք ստիպված են մնալ արտերկրում: Քաղաքացիների՝ հայրենիք վերադառնալու մասին հարցը կառավարության, ԱԳՆ-ի եւ Ռուսաստանի այլ իրավասու դաշնային մարմինների ուշադրության կենտրոնում է»,-ասել է Կոպիրկինը:

Միևնույն ժամանակ այդ խնդրի լուծումն ուղղակիորեն կապված է համաճարակաբանական իրավիճակի զարգացման հետ:

Կորոնավիրուսի դեմ պայքարի շրջանակում բազմաթիվ երկրներ, այդ թվում՝ Ռուսաստանը, ստիպված էին սահմանափակել հաղորդակցությունն այլ պետությունների հետ:

«Տվյալ պահին ժամանակավորապես դադարեցված է Ռուսաստանի եւ Հայաստանի միջեւ ավիահաղորդակցությունը, փակ է ցամաքային տրանզիտը Վրաստանի տարածքով: Այդուհանդերձ, կատարվում է անդադար, քրտնաջան, երբեմն աննկատ աշխատանք այդ խնդրի լուծման ուղղությամբ»,-ասել է Կոպիրկինը:

Ծավալուն աշխատանքի շնորհիվ հնարավոր դարձավ Ռուսաստանի քաղաքացիների երկու խումբ վերադարձնել հայրենիք Վրաստանի տարածքով:

«Այժմ կրկին քննարկվում է հնարավորությունը Վրաստանի տարածքով մեր քաղաքացիների տրանզիտի համար: Դրա կարգն ու պայմանները որոշում է վրացական կողմը, որը ելնում է երկրում համաճարակաբանական անվտանգության նկատառումներից»,-ասել է դեսպանը: Դիտարկվում են նաև ավիաչվերթների հնարավորությունները Ռուսաստանի քաղաքացիներին տեղափոխելու համար:

«Հարգելի հայրենակիցներ, մեզ համար շատ կարևոր է հետադարձ կապը, շփումը Ձեզ հետ: Այդ առնչությամբ դեսպանատունն իր երախտիքն է հայտնում Ռուսաստանի այն քաղաքացիներին, որոնք ըմբռնումով են մոտենում մեր աշխատանքին, գիտակցում են, որ ստեղծված աննախադեպ իրավիճակում բոլորը՝ դիվանագիտական առաքելության աշխատակիցները, ԱԳՆ և այլ դաշնային իշխանության մարմինների աշխատակիցներն անում են հնարավոր ամեն ինչ ռուսաստանցիներին հայրենիք վերադարձնելու ուղղությամբ»,-ասել է Կոպիրկինը:

Նա նաև շնորակալություն է հայտնել հայ գործընկերներին այդ հարցում աջակցության համար:

Մինչդեռ, դեսպանի խոսքով, ժամանակ առ ժամանակ դեսպանատանը մեղադրում են անգործության և քաղաքացիների շահերն արհամարհելու մեջ: Կոպիրկինը նշել է, որ դիվանագիտական առաքելության աշխատակիցները փորձում են պատասխանել բոլոր հաղորդագրություններին, որոնք իրենք ստանում են մեծ քանակությամբ:

Նա նշել է, որ սոցիալական ցանցերում երբեմն հայտնվում է տեղեկատվություն, որը խեղաթյուրում է իրականությունը և միտված է աշխատանքի սաբոտաժին, որն իրականացնում է դեսպանատունը քաղաքացիների խնդիրները լուծելու ուղղությամբ:

«Կցանկանայի ընդգծել, որ ստեղծված բարդ իրավիճակից ելք փնտրելու ընթացքում անթույլատրելի շահարկումներն ազգային հողի վրա: Ես անգամ կասեի՝ ազգամիջյան տարբերություն սերմանելը: Դա արժանի քայլ չէ մեր եղբայրական ժողովուրդների համար»,-նշել է Կոպիրկինը:

Նա նշել է, որ ՌԴ անձնագրերն ունեն միանման կշիռ անկախ դրանցում նշված ազգանունների:

Դիվանագետը կոչ է արել ուղղորդվել տեղեկատվությամբ, որը հրապարակվում է դեսպանատան պաշտոնական ռեսուրսներում: Համընդհանուր աղետը, նրա խոսքով, հնարավոր է հաղթահարել համատեղ ջանքերով:

«Վստահ եմ, որ կառուցողական փոխգործությունը, որին մենք կոչ ենք անում, կօգնի մեզ գտնել ուղիներ ձեր՝ տուն վերադառնալու համար»,-ասել է Կոպիրկինը:

Այս թեմայով «Փաստ». Սահմանադրական կարգի տապալման ընթացքը Հայաստանում Հայաստանում կրկին տեղի կունենա «Աղոթքի նախաճաշ» Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա Չէ՞, հա, իրո՞ք. Գեւորգ Սուջյանի պատասխանը Ալիեւին «Փաստ». Ո՞վ և ինչպե՞ս է Հայաստանում ձևավորում հակառուսական նարատիվները