​​​​​​​Փաշինյանը կրկնում է անհիմն եւ անարժանահավատ թեզերը թագավարակի մասին. Արմեն Այվազյան

«Լսեցի ե՛ւ ՀՀ վարչապետ Ն. Փաշինյանի, ե՛ւ Բելառուսի նախագահ Ա. Լուկաշենկոյի այսօրվա ելույթները եւ որոշեցի իմ էջին զետեղել երկրորդը», - այս մասին իր ֆեյսբուքյան էջում գրում է 1993-94թթ. Վիեննայում ԵԱՀԽ /այժմ` ԵԱՀԿ/ ՀՀ պատվիրակության ղեկավար, «Արարատ» ռազմավարագիտական կենտրոնի տնօրեն, պատմաբան, քաղաքագետ ԱՐՄԵՆ ԱՅՎԱԶՅԱՆԸ եւ մանրամասնում. «Պատճառն այն է, որ Փաշինյանը կրկնում է ահ ու սարսափ տարածող համաշխարհային ԶԼՄ-ների եւ կառավարությունների անհիմն եւ անարժանահավատ թեզերը թագավարակի մասին։ Մասնավորապես, վրդովեցուցիչ է նրա այն հայտարարությունը, ըստ որի Հայաստանում կյանքը բնականոն հուն վերադառնալ չի կարող՝ քանի դեռ հայտնաբերված չէ պատվաստանյութ։ Բայց ինչպես բազմիցս բացատրել են մասնագետ վիրուսոլոգներն ու համաճարակաբանները, թագավարակի այս տեսակի դեմ պատվաստանյութը պատրաստ կլինի միայն 12-18 ամիս անց, իսկ այդ ժամանակ արդեն ուրիշ է լինելու եւ այս տարվա թագավարակի դեմ ստեղծված պատվաստանյութը գործնականում անպետք է լինելու։ Իսկ ահա Ա. Լուկաշենկոյի ելույթում առկա են ինքնիշխանությունը պահպանած պետության ղեկավարի ինքնուրույն եւ կշռադատված մոտեցումներն, լուծումները եւ ճգնաժամային կառավարման հմտությունները։ Ի դեպ, ի տարբերություն Ռուսաստանի, Բելառուսում պատրաստվում են անցկացնել նաև Հաղթանակի օրվան նվիրված մայիսի 9-ի ավանդական զորահանդեսը»։

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Կառավարության կադրային բանկում» ընդգրկվել է 29 երկրից 269 թեկնածու, նրանց շուրջ 93 տոկոսն ունի հայկական արմատներ. Նիկոլ Փաշինյան Եվրոպան գնում է դեպի ներքին արյունահեղություն. Քաղաքագետ Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները