Պոլիէթիլենային պարկերի և տոպրակների իրացումն արգելող օրինագիծն ընդունվեց

Ազգային ժողովն այսօրվա լիագումար նիստում երկրորդ ընթերցմամբ ընդունել է պոլիէթիլենային պարկերի և տոպրակների իրացումն արգելող օրինագիծը:

Ըստ այդ  նախագծի՝  2022-ի հունվարի 1-ից առևտրի օբյեկտներում, այդ թվում՝ շրջիկ առևտրի կետերում, արգելվում է մինչև 50 միկրոն հաստությամբ պոլիէթիլենային պարկերի և տոպրակների` բացառությամբ կշռափաթեթավորման և երկրորդային հումքից արտադրվածը, վաճառքը և իրացումը:

Օրինագծին կողմ է քվեարկել 105 պատգամավոր։

Հիշեցնենք՝  ՀՀ բնապահպանության նախարարությունը 2019-ի հուլիսի 1-ից պոլիէթիլենային տոպրակների անվճար տրամադրումն արգելող օրենքի նախագիծ էր դրել շրջանառության մեջ: Առաջարկվում էր 2020-ի հունվարի 1-ից պոլիէթիլենային տոպրակների իրացման դեպքում սահմանել հատուկ հարկ՝ տոպրակների օգտագործումը կտրուկ նվազեցնելու համար, նույն նախագծով սահմանվում էր նաև, որ 2022-ին դրանց վաճառքը Հայաստանում կարգելվի:

Այս թեմայով Ռուսասկան ուժերը «պարկերի» մեջ են սեղմում Կոնստանտինովկայի ուկրաինական կայազորը. Փորձագետներ (Քարտեզ) ՀՀ-ում կարգելվեն պոլիէթիլենային տոպրակները և պլաստիկ պարագաները Վիրտուալ տիրույթում հայհոհանքը, սպառնալը եւս դիտվում է քրեորեն պատժելի, հետապնդել արարք Բարձրագույն կրթություն ստացողների թիվը տարեցտարաի նվազում է. Ահազանգում է կրթության փորձագետը ՀԷՑ-ը պետականացնելու նախագիծն ընդունվեց