ԱՍՖԱԼՏԱՊԱՏՄԱՆ ԵՎ ՓՈՍԱԼՑՄԱՆ ԱՇԽԱՏԱՆՔՆԵՐԸ ՎԵՐՍԿՍՎԵ±Լ ԵՆ

«Իրավունքը» վերջին ժամանակներս քանիցս առիթ ունեցել է անդրադառնալ Երեւան քաղաքի ավերված ասֆալտի խնդրին: Այն դեպքում, երբ ողջ անցած տարվա ընթացքում իշխանությունները խոսում էին աննախադեպ ասֆալտապատումներից, դեռ գարունը չբացված, մասնավորապես`  Երեւանի փողոցները նաեւ աննախադեպ փոսերով էր լցված:

Ինչո՞ւ է մայրաքաղաքում ամեն քայլափոխի փոս եւ քարուքանդ ճանապարհ, այն դեպքում, երբ ասֆալտապատման մասին բարձրագոչ հայտարարություններ են անում քաղաքային չինովնիկները, փորձել էինք դեռեւս հունվարի սկզբին պարզել Երեւանի քաղաքապետարանից, որտեղից մեզ գրավոր հարցմամբ պատասխանել էին, որ մարտ-ապրիլ ամիսներին մեծ թափով սկսվելու են փողոցների փոսալցման եւ բարեկարգման աշխատանքները: Բայց, ինչպես տեսնում ենք, ոչ մի աշխատանքներ էլ չի իրականացվում: Ինչո՞ւ, կրկին հարցով դիմել էինք Երեւանի քաղաքապետ Հայկ Մարությանին, որտեղից այս պատասխանել են.

- Ի պատասխան Ձեր հարցման տեղեկացնում ենք, որ Երեւանի քաղաքապետարանի 2020թ. ծրագրերով նախատեսված ասֆալտապատման աշխատանքները սկսվել էին ս.թ. մարտ ամսվա սկզբին: Սակայն` hաշվի առնելով կորոնավիրուսային համաճարակի հետ կապված Հայաստանի Հանրապետությունում հայտարարված արտակարգ դրությունը եւ պարտետատան կողմից շինարարական աշխատանքների արգելումը, Երեւանի քաղաքապետարանի կողմից ընթացող ծրագրային շինարարական աշխատանքները դադարեցվել էին: ՀՀ Պարետի թույլտվությամբ ս.թ. ապրիլի 4-ից ասֆալտապատման եւ փոսալցման աշխատանքները վերսկսվել են:

ԻԼՈՆԱ ԱԶԱՐՅԱՆ

Այս թեմայով Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան Շերլոկ Հոլմսից մինչև արհեստական բանականություն․ ինչպե՞ս է փոխվել դետեկտիվի աշխատանքը ՈՒՂԻՂ․ Արցախի թեմայով ինչու է լռում ընդդիմությունը․ Հայկ Բաբուխանյան «Հրապարակ». Հայկ Սարգսյանի ճակատագիրը որոշված է