Սփյուռքը չի ների

ԱԺ փոխնախագահ ԱԼԵՆ ՍԻՄՈՆՅԱՆՆ իր ֆեյսբուքյան էջում խիստ դյուրագրգիռ գրառմամբ էր հանդես եկել` անդրադառնալով Ամենայն հայոց կաթողիկոս ԳԱՐԵԳԻՆ Բ-ի մեկնաբանությանը` ՀՀ երկրորդ նախագահ ՌՈԲԵՐՏ ՔՈՉԱՐՅԱՆԻ խափանման միջոց կալանքը փոփոխելու վերաբերյալ: Ա. Սիմոնյանը ո՛չ ավել, ո՛չ պակաս «հաթաթա» էր տվել Վեհափառ Հայրապետին, կաթողիկոսի փոփոխության ակնարկներ արել եւ հոգեւոր առաջնորդին անվանել քաղաքացի Կտրիճ Ներսիսյան: Թեմայի վերաբերյալ ոչ պակաս վարկաբեկիչ մեկնաբանություն էր տվել ՀՀ վարչապետ Նիկոլ Փաշինյանի խոսնակ ՄԱՆԵ ԳԵՎՈՐԳՅԱՆԸ` ըստ էության, իրենց իսկ ձեռքով փորելով օրվա իշխանության փոսը:

Խնդիրն այն է, որ սրանով բացահայտվեց ողջ ճշմարտությունն այն մասին, որ ՀՀ երկրորդ նախագահ Ռոբերտ Քոչարյանի խափանման միջոց փոխողը ոչ թե դատարանն ու դատախազությունն է, այլ անձամբ Փաշինյանը: Եվ մինչ իշխանությունը փորձում է ստեղծված իրավիճակի տակից դուրս գալ` փորձելով շեղել իրողությունից, ինչի համար էլ հնարավոր բոլոր միջոցներով վարկաբեկում է Հայ Առաքելական եկեղեցուն եւ հոգեւորականներին, տեղի ունեցավ անսպասելի շրջադարձ:

«Իրավունքի» ունեցած տեղեկությունների համաձայն` խիստ լարված իրավիճակ է Սփյուռքում, որտեղ հայկական խոշորագույն կառույցներում սորոսական ցեցը դեռ չի կերել հայության քրիստոնեական զգացմունքները: Հոգեւոր առաջնորդի հասցեին իշխանության բարձր մակարդակով հնչեցված վիրավորանքներին Սփյուռքում պատրաստվում են շատ կոպիտ արձագանքել: Ստեղծված իրավիճակով պայմանավորված` իշխանության վերին օղակներում քննարկում են անգամ իրենց համար հնարավոր բացասական սցենարների դեպքում` «զոհել» Ալեն Սիմոնյանի մանդատը եւ այս տարբերակով փորձել ջրից չոր դուրս գալ:

ՀՐԱՆՏ ՍԱՐԱՖՅԱՆ

Այս թեմայով Ուկրաինայի համար շատ ծանր ձմեռ է լինելու. Բուլղարիայի վարչապետ Անձամբ եք պատասխան տալու․ ԲԱՄԲԱՍԱՆՔ Հանրային հեռարձակողի խորհուրդը կուսումնասիրի Թաթա Սիմոնյանի համերգի հեռարձակման հանգամանքները Զավեշտալի է տեսնել՝ ինչպես է Մեծ Բրիտանիայի պատգամավոր Էդվարդ Լեյը ԵԽԽՎ ամբիոնից պաշտպանում Հայ Առաքելական Եկեղեցուն Լավ, նամուս, թասիբ, ամո՞թ էլ չկա․ ԶԱՐՄԱՆՔ