Կներեք, ես չգիտեմ` ՀԾՀ-ն ինչ է. Վարչապետը կառավարության տեղեկատվական ՊՈԱԿ-ին ու սոցապնախարարին նկատողություն արեց (Տեսանյութ)

Երեկ ես անձամբ մի քանի ժամ կարդացել եմ ֆեյսբուքյան էջին քաղաքացիների նամակները և ունենք մի քանի խումբ խնդիրներ, կառավարության այսօրվա նիստին ասաց վարչապետ Նիկոլ Փաշինյանը՝ անդրադառնալով սոցիալական աջակցության միջոցառումներին:

«Շատ մեծ թվով մարդիկ տեղյակ չեն, որ այս կամ այն ծրագրի շահառու են, տեղեկացվածության խնդիր ունենք և սա մեզ համար ազդակ պետք է լինի, որ բավարար չափով չենք լոսւաբանում, թե որ միջոցառումը որ խմբին է վերաբերում», -  ասաց նա։

Վարչապետն ընդգծեց՝ տեսանյութը 200 հազար դիտում է ունենում, դա դեռ լուսաբանում չէ, լուսաբանումն այն է, որ պոտենցիալ բոլոր շահառուները տեղյակ են:

Վարչապետը տեղեկացրեց, որ էլեկտրաէներգիայի և գազի հետ կապված միջոցառումներին քաղաքացին ոչ մի գործողություն չպետք է անի, կառավարությունը գումարները կփոխանցի, իսկ ովքեր արդեն վճարել են, կգոյանա կանխավճար:

Նիկոլ Փաշինյանը նկատեց, որ, մասնավորապես, իններորդ միջոցառման հետ կապված խնդիր կա և եթե մարդ չգիտի ՀԾՀ-ն ինչ է, դա նշանակում է՝ լրատվական համակարգը չի աշխատում:

«Հիմա, կներեք, ես չգիտեմ՝ ՀԾՀ-ն ինչ է, մի հատ ասեք, ՀԾՀ-ն ի՞նչ է», - հարցրեց վարչապետը։

Նա կառավարության տեղեկատվական ՊՈԱԿ-ին հորդորեց այնպես անել, որ յուրաքանչյուր քաղաքացի իմանա ՀԾՀ-ն ինչ է։

«Եթե շահառուն չգիտի՝ դա ինչ է, դա նշանակում է՝ չենք արել այնպես, որ նա իմանա, թե ինչ է: Մենք այսօր միջոցառումները ընդունել ենք, բայց խնդիր ունենք օգնությունը ժամանակին և արդյունավետ տեղ հասցնելու», - ասաց Նիկոլ Փաշինյանը։

Այս թեմայով Կառավարության նիստը՝ ուղիղ «Ժողովուրդ». Փաշինյանը «բլոտ»-ում պարտվել է, դուրս եկել խաղից Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից «Հրապարակ»․ Ինչ են նվիրել Արարատ Միրզոյանին Ռուսաստանը մտադիր է ոչնչացնել Ուկրաինայում ամեն ինչ