Բանդեռլոգները կարդան դեղերը պատշաճ օգտագործելուց հետո. ուշագրավ մանրամասներ

«2013թ. հունվարի 17-ին, Մայր Աթոռ Սուրբ Էջմիածնում Գարեգին Բ Ամենայն Հայոց Կաթողիկոսն ընդունել էր Վրաստանի վարչապետ Բիձինա Իվանիշվիլիի գլխավորած պատվիրակությանը: Ի թիվս քննարված այլ հարցերի՝ Գարեգին Բ-ն Վիրահայ համայնքի անունից վարչապետ Իվանիշվիլիին խնդրել էր, որպեսզի Վրաստանի հայկական դպրոցներում վերստին թույլատրվի «Հայ ժողովրդի պատմություն» առարկայի դասավանդումը: Եվ ուշադրություն՝ Ամենայն Հայոց Կաթողիկոսը նաև միջնորդություն է ներկայացրել Վահագն Չախալյանի ազատ արձակման համար: Եվ այս հանգամանքը Իվանիշվիլիի կողմից չէր դիտարկվել որպես անհարկի միջամտություն Վրաստանի ներքին քաղաքական խնդիրներին, թիկունքից հասցված հարված և նման հիմարություններ, ինչպես այսօր են փորձում ներկայացնել Ռ. Քոչարյանի խափանման միջոցի փոփոխության Կաթողիկոսի հորդորը: Հարկ է նշել նաև, որ Բ. Իվանիշվիլին հենց տեղում հանձնարարական էր տվել հայկական դպրոցներում «Հայ ժողովրդի պատմություն» առարկայի դասավանդում կազմակերպելու համար (իսկ թավշյա իշխանությունը ցանկանում է առարկան հանել ԲՈՒՀ-երում դասավանդվող պարտադիր առարկաների ցանկից), իսկ Վ. Չախալյանի առնչությամբ հայտնել, որ խնդիրը քննարկման փուլում է: Իսկ թե ինչպիսին էր Նիկոլ Փաշինյանի արձագանքը, մեկնաբանելու և ավելորդ նյարդայնանալու կարիք, կարծում եմ, չկա. սեփական մամուլի քարտուղարից , ԱԺ փոխնախագահից մինչև Հանրային խորդի նախագահի ողջ ծավալով հանրության դատին հանձնեցին սեփական տկարամտությունը», - այս մասին գրում է քաղաքագետ ԳԱՐԵԳԻՆ ՊԵՏՐՈՍՅԱՆԸ եւ, որպես հետգրություն, հավելում. «Փաշինյանի ու իր քաղաքական թիմի ճղճիմությունը նրա օրեցօր սակավացող երկրպագուներին հիշեցնելու համար ուզում եմ ուշադրություն հրավիրել «մոռացված» ևս մեկ փաստի վրա. 2018թ. սեպտեմբերի 22-ին վարչապետ Փաշինյանը ԱՄՆ ուղևորվելիս լուսանկարվել էր Ամենայն Հայոց կաթողիկոս Գարեգին Բ-ի հետ, հրապարկել ֆեյսբուքում և կատարել հետևյալ գրառումը (բանդեռլոգները կարդան դեղերը պատշաճ օգտագործելուց հետո). «Սա պատմական լուսանկար է: Ինչո՞ւ: Որովհետեւ սա Հայոց պատմության մեջ Ամենայն հայոց կաթողիկոսի և Հայաստանի ղեկավարի առաջին սելֆին է: Վեհափառի հետ մեկնում ենք Նյու Յորք»:

Այս թեմայով Լսի՛, Փաշինյան, երբ ասացիր՝ «ՀՀ-ի կառավարությունը ես եմ», դա իշխանությունը յուրացնելու հոդված է Ինչի՞ էիք Վեհափառի աջը համբուրում ու սելֆի անում նրա հետ 2018 թվականին․ հարց՝ Փաշինյանին Չկա տենց դեպք, որ մի քաղաքացու աջակցած չլինենք ու ինքը 2-րդ, 3-րդ, 4-րդ… 8-րդ անգամ դիմած չլինի Որևիցե ազդակ չունենք, որ գազի գինը թանկանալու է․ նման հարցի դեպքում սցենարներ ենք քննարկում Որն է Էդուարդ Բաբայանի ազատության գինը հարց Փաշինյանին.«Մաֆիոզ կապերով հարցեր են լուծում, հանցագործը պիտի նստի բանտում»