«Վայ չնայողին»․ Շեքսպիրյան փառատոնի տնօրեն

Երևանի Շեքսպիրյան միջազգային թատերական փառատոնը մարտի 25-ից իր ֆեյսբուքյան տիրույթում կազմակերպում է ներկայացումների օնլայն ցուցադրություններ: Այս մասին «Իրավունքի» հետ զրույցում ասել է փառատոնի տնօրեն ԿԱՐՈ ԲԱԼՅԱՆԸ։

Ըստ նրա՝ առցանց խաղացանկում առանձնացրել են, այսպես ասած, ամենահայտնի թատրոնների՝ ամենաաղմկահարույց ներկայացումները։

«Մեզ հաջողվել է մի քանի թատրոնների հետ պայմանավորվածություններ ձեռք բերել և առցանց հեռարձակել ներկայացումները, ինչը, կարծում եմ, բացառիկ երևույթ է․ վայ չնայողին»,- ասել է Կ․Բալյանն ու հավելել, որ կան ներկայացումներ, որոնք ցուցադրվում են ռուսաստանյան «Կուլտուրա» հեռուստաընկերության պահոցից։

Փառատոնի տնօրենի փոխանցմամբ՝ այս օրերին ավելացել է էջի հետևորդների քանակը, ինչը, անշուշտ, լավ է։

«Ինչ խոսք, թատրոնի ամբողջ հմայքը կենդանի շփման մեջ է։ Առցանց ցուցադրությունները լիովին այլ ժանր է, և այն չի կարող փոխարինել հանդիսատես-դերասան կապը, սակայն լավ միջոց է՝ հանդիսատեսի հետ կապը պահելու, ձեռքը զարկերակին պահելու համար»։

Առաջիկայում «Սատիրիկոն» թատրոնի «Ռիչարդ 3-րդ» ներկայացումն է՝ Յուրի Բուտուսովի ռեժիսուրայով, «Մենո Ֆորտաս» թատրոնի «Օթելլո»՝ Էիմունտաս Նյակրոշյուսի ռեժիսուրայով ներկայացումը, որոնք հասանելի կլինեն ապրիլի 16-ին և 18-ին։

Այս թեմայով «Պուտինի ուղին»․ ինչ կարող է շահել Հայաստանը Սամարայում մեկտեղվել են Խաչատրյանի և Շոստակովիչի երաժշտությունն ու պատմությունը «Ռոսատոմ»-ի գլխավոր տնօրեն Ալեքսեյ Լիխաչովը. նա կհանդիպի Փաշինյանի հետ Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ուկրաինայի պատերազմը 21-րդ դարի գլխավոր ռազմական լաբորատորիան է. ԿՀՎ նախկին տնօրեն