ՊԱՐՈՆ ԱՎԻՆՅԱՆ, ԳՈՒՑԵ ԴԱԴԱՐԵՑՆԵ՞Ք ՍՈՐՈՍԻ ՀԱՐԿԱՅԻՆ ԱՐՏՈՆՈՒԹՅՈՒՆՆԵՐԸ

2019թ.  մարտի 1-ին  (մարտի 1-ը սորոսականների համար հավանաբար ունի ինչ-որ գերբնական առանձնահատկություն) ՀՀ առաջին փոխվարչապետ Տիգրան Ավինյանը ստորագրել է մի որոշում, որով  Սորոսի  հայկական գրասենյակից  եւ նրանից սնվող 18 սորոսական ՀԿ-ներից  որոշել է չվերցնել հարկեր, մաքսատուրքեր եւ այլ վճարներ, որոնք պետք է համալրեին Հայաստանի պետական բյուջեն: Ծրագիրը  մոտ 3,3 մլն դոլարի ծավալ ունի: Հետեւապես ծրագրի իրականացման ընթացքում պետական բյուջե մուծումները կազմելու են շուրջ 600 հազար դոլար: Բայց արի ու տես, որ Ավինյանը  այդ ծրագրին շնորհեց բարեգործական կարգավիճակը եւ այդ 600 հազար դոլարը նվիրեց սորոսականներին: Ընդ որում, ծրագրի ուսումնասիրությունը ցույց է տալիս, որ այն որեւէ առնչություն բարեգործության  հետ չունի: Այդ ծրագրով սորոսականները իրենց քթները խոթում են մեր դպրոցական եւ բուհական կրթության համակարգի, առողջապահության, քրեական իրավունքի, պետական կառավարման համակարգի եւ այլ ոլորտներում: Սակայն  բարեգործական որեւէ գործառույթ այդտեղ չկա: Ծրագիրը գործելու է մինչեւ 2020 թվականի վերջը: Հիմա հարց է ծագում` արդյոք ի՞նչ նպատակով է Տիգրան Ավինյանը այսքան հոգատարությամբ ու քնքշությամբ վերաբերվում Սորոսի հիմնադրամին եւ ի՞նչ իրավունքով է 600 հազար դոլարը խլում  մեր անապահով խավերից, հաշմանդամներից, երեխաներից եւ նվիրաբերում Սորոսին: Այս օրերին  հարյուր հազարավոր մեր համաքաղաքացիներ, կորցնելով աշխատանքը, եւ գների այս  աճի պայմաններում հայտնվել են սոցիալապես սարսափելի պայմաններում: Գուցե ժամանակն է, պարոն Ավինյան, դադարեցնեք Սորոսի հովանավորությունը  եւ պետության բյուջեին հասանելի գումարները փոխանցեք ամենաաղքատ եւ ամենատուժած ձեր համաքաղաքացիներին: Իսկ ձեզ, պարոն Փաշինյան, ձեր այն հարցին, թե` ձե՞ռ եք առնում, պատասխանենք, որ` ոնց որ թե, դուք եւ ձեր պարետն եք ձեռ առնում հայ ժողովրդին ու ցույց ենք տալիս այն տեղը, որտեղից կարելի է գումարներ տալ հարյուր-հազարավոր կարիքավոր ձեր համաքաղաքացիներին: Մեջբերենք  Տիգրան Ավինյանի 86-Ա որոշումից այն հատվածը, որը վերաբերում է սորոսականներին հարկերից արհեստականորեն ազատելուն.

«Ծրագրի բարեգործական որակման նպատակը:

Ակնկալվում է հարկային արտոնությունների ստացում` ապրանքների, սարքավորումների, գրքերի և գրականության, ուսումնական նյութերի ներմուծման եւ ձեռքբերման դեպքում մաքսային վճարներից եւ ԱԱՀ-ից ազատում, հեռահաղորդակցման եւ կապի ծառայությունների վարձավճարների ԱԱՀ-ից ազատում, տպագրական ծախսերի ԱԱՀ-ից ազատում, կոնֆերանսների, սեմինարների կազմակերպման հետ կապված տարածքի վարձակալության, հյուրանոցային, տրանսպորտային եւ այլ ծառայությունների ԱԱՀ-ից ազատում, տարեկան ֆինանսական աուդիտի ծախսերի ԱԱՀ-ից ազատում»:

Ա. ՀՈՎՀԱՆՆԻՍՅԱՆ

Այս թեմայով Անձամբ եք պատասխան տալու․ ԲԱՄԲԱՍԱՆՔ ՔՊ իշխանությունը պետք է սահմանադրությունը հռչակի որպես խաղաղության դեմ ուղղված սպառնալիք․ Աբրահամյան Տիգրան Ավինյանի՝ նախապես հայտարարված մամուլի ասուլիսը չի կայանա Անկախության օրը՝ ախմախ անակնկալներով Բաբուխանյանը բարձրացրեց Արցախի օկուպացված քաղաքների հարցը