Եկեք բաց խոսենք, ես սպասում էի այս օրվան. Հրանտ Մելիք-Շահնազարյան

Անդրադառնալով Ամենայն Հայոց Կաթողիկոս Գարեգին Բ-ի մեկնաբանությանը՝ ՀՀ երկրորդ նախագահ Ռոբերտ Քոչարյանի խափանման միջոց կալանքը փոփոխելու վերաբերյալ եւ դրան հաջորդած անգամ ԱԺ փոխնախագահ Ալեն Սիմոնյանի մակարդակով սոցցանցային «դիվերսիային» Վեհափառի դեմ՝ «Ոսկանապատ» վերլուծական կենտրոնի ղեկավար, քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԸ գրում է. «Վեհափառ Հայրապետի դեմ իշխանական թիմի այս հարձակումն իհարկե սպասելի էր։ Ես նույնիսկ կասեի՝ ուշացած։ Ճիշտ է, տարբեր առիթներով ժամանակ առ ժամանակ գռմռում էին, ատամ ցույց տալիս, բայց, ի զարմանս ինձ, հիմնականում կարողանում էին զսպել հոգեւոր առաջնորդին հոշոտելու բնազդը։ Այն, որ ուշ թե շուտ անօրենների բնությունն իրենն անելու էր, չէի կասկածում. չես կարող շան դիմաց միս դնել եւ հուսալ, որ երբեք չի ուտի։ Որքան էլ վարժեցված լինի։ Եկեք բաց խոսենք։ Ես սպասում էի այս օրվան։ Անհամբեր էի սպասում։ Որովհետեւ հարցեր կան, որ պարզաբանման կարիք ունեն, պետք է շտապ քննարկվեն։ Օրինակ, ինձ հետաքրքիր է, թե ինչպիսի Հայաստան կժառանգենք մեր զավակներին՝ աղանդավորների ու սեռական փոքրամասնությունների, թե՞ հոգեւոր ու ավանդական արժեքների երկիր։ Ու թող ոչ ոք չասի, թե օրակարգում նման հարց չկա։ Կա։ 2018թ. հեղաշրջումն էլ դրա մասին էր։

Եվ ուրեմն՝ ի՞նչ է պետք անել։ Պատասխանը, կարծում եմ, ակնհայտ է՝ պայքարել մեր երեխաների ապագայի համար։ Որպեսզի նրանք ապրեն արդար, ազնիվ եւ բարոյական կյանքով։ Լինեն մեր հայրերի ու պապերի դավանած արժեքների ժառանգը։ Առանց պայքար չի ստացվի։ Հնարավոր է անգամ դժվար լինի։ Բայց հուսադրող բան էլ կա։ Այն, որ պատմությունը չգիտի մի դեպք, երբ այդ հարցում պայքարի ելածը հաջողության չհասնի։ Նման բան ուղղակի չի եղել։

Ամեն ինչ հենց այսպես էլ պետք է լիներ։ Ամեն սերունդ ինքը պետք է վաստակի իր զավակների բարեկեցությունը։ Փառք Տիրոջը, մեզ համեմատաբար հեշտ փորձություն է բաժին հասել։ Ինքներդ դատեք՝ սաֆարյան ստյոպիկներ, սիմոնյան ալեններ, փաշինյան նիկոլներ… Աստված առաջ, ամեն ինչ լավ կլինի։

Հ.Գ.. Էս խելոքները կարծում են, թե հոգեւորականին հալածելով, քարկոծելով կարող են վնասել նրան, լռեցնել… Որովհետեւ տգետ են։ Ախր Ծաղկազարդն էլ նոր է անցել է։ Ընդամենը մի քանի օր առաջ մեր հոգեւոր հայրերը հնարավոր եւ անհնար բոլոր միջոցներով պատմում էին, թե Հիսուսն ինչի համար Երուսաղեմ գնաց… Լավ էհ, թե շատ են ուզում, կստանան իրենց պատիժը»։

Այս թեմայով Քոչարյանը՝ զինված ադրբեջանցու մասին․ Հանձնելը հենց այնպես չի լինում, ինչ-որ բանի դիմաց ա լինում Հայաստան-Ադրբեջան սահմանին չվերահսկվող կտորներ կարող են լինել… Լուծումներ պիտի առաջարկվեն Ղրիմի հարցով Ստրասբուրգում գտնվող Քոչարյան կրտսերն անհասանելի՞ է Իշաոտնուկի գահակալները․ ԸՆԿԵՐ ՓԱՆՋՈՒՆԻ Դաժե ձեր մեռնելուց հետո ձերոնք ձեզնից «քյար» չեն ունենա․ ԶԱՐՄԱՆՔ