Հենրիխին ճանաչել եմ մինչև հավաքականը գլխավորելը, նա չափանիշ է՝ որպես ֆուտբոլիստ, ունի մարդկային մեծ որակներ.Կապառոս

Հայաստանի հավաքականի գլխավոր մարզիչ Խոակին Կապառոսը իսպանական AS-ին տված հարցազրույցում պատմել է տնային պայմաններում կատարած աշխատանքի մասին, ինչպես նաև գովեստի խոսքեր ուղղել հավաքականի ավագ Հենրիխ Մխիթարյանի հասցեին:

«Մեզ համար հիմա առավելություն է աշխատել այս պայմաններում, որը թույլ է տալիս կյանքի այս էտապը: Մենք ամենօրյա կապի մեջ ենք Հայաստանի հավաքականի մարկետինգի բաժնի աշխատակիցների հետո, Մ21 հավաքականի մարզիչ Անտոնիո Ֆլորեսի հետ, որին նույնպես այնտեղ էր տարել Խինես Մելենդեսը, և իմ օգնական Լուսի Մարտինի հետ: Ունենք 36-40 ֆուտբոլիստներ, որոնց տեսանյութերն է ինձ ուղարկում պարոն Մելենդեսը: Շտաբում մեկ այլ մարզիչ՝ Սուրենն ինձ այն ֆուտբոլիստների տեսանյութերն է ուղարկում, որոնք դեռ չեն խաղացել հավաքականում, բայց հավակնում են ընդգրկվել իմ հայտացուցակում. ծանոթանում եմ նրանց խաղին: Ստացվում է, որ իմ օրվա 24 ժամը նվիրում եմ Հայաստանի հավաքականին:

Մխիթարյանն այժմ մարզվում է: Մինչև հավաքականը գլխավորելը խոսել եմ նրա հետ: Նա շատ սիրված ֆուտբոլիստ է Հայաստանում, այնտեղ նա մարզական առումով չափանիշ է, ինչպես նաև ունի մարդկային մեծ որակներ: Ինձ այս հավաքականում ամենաշատը դուր է գալիս ֆուտբոլիստների հայրենասիրությունն ու նվիրվածությունն իրենց ազգային հավաքականին, որի մասին ինձ պատմել է Մխիթարյանը: Ես Հենրիխին ճանաչել եմ մինչև հավաքականը գլխավորելը: Եթե այս դադարը չլիներ, ես անպայման գնալու էի Սևիլյա դիտելու Եվրոպա լիգայի «Սևիլյա» – «Ռոմա» հանդիպումը:

Առաջին բանը, որ կանեի, հավաքականի հայտացուցակում հայտնված ֆուտբոլիստների հետ հանդիպում կազմակերպելը կլիներ, որպեսզի միմյանց ավելի լավ ճանաչեինք», – ընդգծել է Կապառոսը:

Այս թեմայով ԱՀԱԶԱՆԳ.Ընտանեկան բժիշկների համար ստեղծվել է այնպիսի իրավիճակ, որը հանգեցնում է ուղեգրումների սահմանափակման ՇՏԱՊ. Բավ է ողբաք. Հայտնի փաստաբանը հայտարարությամբ է հանդես եկել «Հրապարակ». Սիսիանում՝ Շաքիի դեպքերից հետո մեծ վախ է տիրում ԱՄՆ–ում բենզինի գները փոխում են մեծ խաղի կանոնները Որոշ մարզերում օդի ջերմաստիճանը կնվազի մինչև 0…−2°C