ԵՆԹԱԴՐՎՈՒՄ Է, ՈՐ ԿՈՐՈՆԱՎԻՐՈՒՍԻ ՄՇԱԿՄԱՆ ԱՇԽԱՏԱՆՔՆԵՐԻ ՊԱՏՎԻՐԱՏՈՒՆ ԷՐ ՋՈՐՋ ՍՈՐՈՍԸ

«Բիզնես օնլայնի» հարցերին պատասխանելով՝ ռուսաստանյան ամենահեղինակավոր մասնագետներից մեկը՝ քաղաքագիտության դոկտոր, պրոֆեսոր Իգոր Պանարինն ուշագրավ փաստեր է ներկայացրել՝ կորոնավիրուսի հնարավոր ծագումնաբանության մասին:

– Իգոր Նիկոլաեւիչ, արդեն մի քանի շաբաթ է, ինչ վերլուծում եք կորոնավիրուսի հետ կապված իրավիճակը: Ո՞րն է ձեր անձնական տպավորությունը. արդյոք դա բնական կամ արհեստական ծագման վիրո՞ւս է:

– Այս առումով ես կարդում եւ հետեւում եմ տարբեր տեսակետների, բայց իմ վարկածն այն է, որ COVID-19-ը, իհարկե, կենսաբանական զենք է: Դժբախտաբար, ես գործնականում կասկած չունեմ այդ մասին: Այն արհեստական ծագում ունի, ինչպես այս տեղեկատվական ալիքը, որը բարձրացվել է դրա շուրջ:

– Բայց այս դեպքում ո՞ւմ եք տեսնում որպես` կենսաբանական զենք կորոնավիրուսի հնարավոր մշակողների թվում: Որո՞նք են անուղղակի նշանները, ապացույցները:

– Ասենք, որ «VeteransToday»-ը՝ ԱՄՆ բանակի եւ հետախուզության վետերանների կայքը (ոչ միայն դա, այն առավել համակարգված է) բավականին երկար ժամանակ է բարձրաձայնում այս վարկածի մասին: Ավելին, այս պորտալը վկայակոչում է փաստաթղթեր, որ COVID-19-ի մշակումը ավարտվել է 2015 թվականին: Այն կենտրոններից մեկը, որտեղ գտնվում էին գաղտնի լաբորատորիաները, հիմնված էր Հյուսիսային Կարոլինայում, մյուսը՝ Հարվարդում, իսկ երրորդը՝ Արկանզասում: Ըստ ամերիկյան հետախուզության վետերանների` նոր կենսօջախը ստուգելու փորձեր են անցկացվել Մեծ Բրիտանիայում (ներառյալ Քեմբրիջի համալսարանում), որտեղ դրանք ֆինանսավորվել են Բիլ Գեյթս հիմնադրամի կողմից, ինչպես նաեւ Ավստրալիայում եւ Կանադայում: Ավելին` որոշ բաղադրիչների փորձարկումներ իրականացվել են Վրաստանի եւ Ուկրաինայի կենսաբանական լաբորատորիաներում: Ինչպես նշում է աղբյուրը, նման բան, ամենայն հավանականությամբ, տեղի է ունեցել նաեւ չինական Ուհան քաղաքի վիրուսաբանության ինստիտուտում, որը, ի դեպ, ֆինանսավորվել է Սորոսի կողմից, որտեղ հետագայում ի հայտ է եկել վարակի էպիկենտրոն: Չնայած սա եւս մեկ հարց է՝ կա՞ր արդյոք էպիկենտրոն: Կա ապացույց, որ ամերիկացի բժիշկներից մեկը 2019-ի նոյեմբերին տառապել է կորոնավիրուսից, եւ դա տեղի է ունեցել ԱՄՆ-ում՝ նախքան նրանք հայտնաբերեցին այս վարակը Չինաստանում:

(Մեջբերում «VeteransToday» կայքից. «Կան զգալի անուղղակի ապացույցներ, որ COVID-19-ի այս համաճարակը կենսաբանական զենք էր, որը տեղակայվեց հիմնականում Չինաստանի եւ Իրանի դեմ, բայց հակադարձեց իր ստեղծողների դեմ: Ավանդաբար փորձագետները թերահավատորեն էին վերաբերվում կենսաբանական պատերազմին հենց այն պատճառով, որ այն միտում ունի «ցատկել», ինքնուրույն հարվածել եւ վերադարձներ ստեղծել»):

– Եվ ո՞վ կարող է լինել այդպիսի լայնածավալ աշխատանքի պատվիրատուն:

– Ինչպես ենթադրվում է՝ «Microsoft»-ի նախկին ղեկավարը եւ մոլորակի ամենահարուստ մարդկանցից մեկը (2009-ից 2016 թվականը` ամենահարուստը՝ ըստ «Forbes»-ի)՝ Բիլ Գեյթսը եւ այսպես կոչված բարերար Ջորջ Սորոսը: Նկատի ունեցեք, որ Գեյթսը ԱՄՆ-ի Դեմոկրատական կուսակցության հիանալի ընկերն է եւ Քլինթոնի կլանի (այսպես կոչված՝ Քլինթոնիտների) գլխավոր հովանավորը: Բացի այդ, այն, ինչ ես անվանում եմ «խորքային պետություն» իր կենտրոնով՝ Լոնդոնով, սերտորեն կապված է երկուսի հետ: Դեռեւս 2020 թվականի հունվարին ես առաջ քաշեցի այն վարկածը, որ այս խաղի «շտաբը» (եթե կարող եմ այդպես ասել) գտնվում է բրիտանական տխրահռչակ Սոլսբերի քաղաքում ու կոչ արեցի, որ միջազգային տեսչություն ուղարկվի այնտեղ:

Ի դեպ, դեռ հազիվ էր սկսել կորոնավիրուսը ծավալվել, որ «Իրավունքը» եւս առիթ ունեցավ եզրակացություններ հայտնել, որ ինչպես վիրուսը, այնպես էլ դրա շուրջ ծավալված աղմուկն արհեստական ծագում ունի: Իսկ թե ինչ նոր զարգացումներ ենք ֆիքսել այդ ամենի շուրջ, կներկայացնենք մեր վաղվա տպագիր համարում:

Այս թեմայով Շնորհակալություն Աղվան պապիկի համար. Իգոր Ռաստերյաևը առաջին անգամ այցելեց Հայաստան ՍԱՐՍԱՓ. Նրա ձեռքում եղել են կնոջ մազերը. Նոր մանրամասներ՝ Սևանում 22-ամյա հղի կնոջ կյանքից հեռանալու դեպքից COVID-19-ը հետք է թողնում ուղեղի վրա նույնիսկ լիակատար ապաքինումից հետո «Սպուտնիկ Ազերբայջան»-ի խմբագրական տնօրեն Իգոր Կարտավիխը ազատ է արձակվել կալանքից և տեղափոխվել Ռուսաստան. Զախարովա Հայաստանում արձանագրվել է կորոնավիրուսային հիվանդության 70 դեպք