Ոչ թռչուն եմ՝ թռնեմ գնամ, ոչ էլ անասուն եմ՝ խոտ ուտեմ, հաց տվեք. Երթուղային տաքսու վարորդները բողոքի ակցիա են իրականացրել

Երթուղային տաքսիների վարորդներն այսօր բողոքի ակցիա էին իրականացնում՝ բողոքելով, որ արտակարգ դրության ընթացքում հարկադիր պարապուրդի են մատնված և ներգրավված չեն կառավարության սոցիալական ծրագրերից և ոչ մեկում։

«Ուզում ենք հասկանալ, թե ով է մեզ վճարելու, թող կառավարությունից մարդ գա, որ բացատրություն տա։ Ոչ թռչուն եմ՝ թռնեմ գնամ, ոչ էլ անասուն եմ՝ խոտ ուտեմ, հաց տվեք։ Տանը միակ աշխատողը ես եմ, երեխեքին ինչ ասեմ, ասեմ մի ամիս հաց մի կերե՞ք։ Որ շոֆեռ ենք, մեզ բանի տեղ չեն դնում», - ասաց երթուղային տաքսու վարորդներից մեկը։

Վարորդներն ասացին, որ շուրջ 250-ից ավելի վարորդ այս պահին հարկադիր պարապուրդի է մատնված։

«Շատ մարդիկ վարձով են ապրում, չեն հասկանում՝ ինչ անեն, որտեղից մուծեն էդ վարձը։ Բոլորն էլ վարկեր ու ապառիկներ ունեն։ Հացի խնդիր լուծելու հարց ունենք», - ասացին վարորդները։

Ակցիայի մասնակիցների խոսքով՝  դիմել են իրենց տնօրինությանը:

«Տնօրինությունից էլ ասում են՝ հարգելիս, եթե կառավարությունը մեզ փոխանցի, մենք էլ ձեզ կփոխանցենք։ Եթե կառավարությունը չի փոխանցում, ծրագիր չի հատկացնում տրանսպորտի ոլորտին, տնօրինությունն ինչ պետք է մեզ պատասխանի», - ասացին վարորդները։

Հիշեցնենք, որ պարետի որոշմամբ կասեցվել է նաև երթուղայինների գործունեությունը։

Այս թեմայով Ֆրանսիայում այդպես էլ չի հանդարտվում դպրոցականների բողոքի ցույցերի քաոսը Ռուսական բանակը խորը ճեղքումով է իրականացրել Վելիկիյ Բուռլուկի հյուսիսային թեւում Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ռուսասկան ուժերը Դոբրոպոլեի ուղղության վտանգավոր ճեղքում են իրականացրել Ուկրաինական ուժերը հրթիռային հարձակում է իրականացրել Վոլգոգրադի վրա